1. Nɛ ge Jéhovah zɔka ha wal bɛ hio wi bɛa nde?

BÊ TI Jéhovah Nzapa “anzere na terê ti azo ti lo.” (Ps. 149:4). So pendere tënë! Jéhovah ayeke bâ anzoni sarango ye ti e; lo yeke bâ ye so e yeke na ngangu ti sara nga lo mû maboko na e ti ga akamarade ti lo. Tongana e ngbâ be-ta-zo na lo, lo yeke ngbâ nduru na e lakue.​—Jean 6:44.

2. Hazu ge yo nɛ ngaya nɛ hio ma gdia mɔ zɔk nde Jéhovah ngoya mbua nde?

² Ambeni ita alingbi ti tene: ‘Mbi hinga so Jéhovah aye azo ti lo kue, me mbi yeke hinga tongana nyen so Jéhovah aye mbi?’ Nyen la alingbi ti sara si mbeni zo ahunda terê ti lo tongaso? Oksana, * so abâ pasi lani na kete ti lo mingi, atene: “Terê ti mbi anzere lani mingi na ngoi so mbi wara batême nga mbi komanse kua ti pionnier. Me ngu 15 na pekoni, mbi komanse ti dabe ti mbi na asioni ye so asi na mbi lani na kete ti mbi. Mbi tene so Jéhovah aye mbi encore ape nga mbi lingbi ape ti tene lo ye mbi.” Yua, mbeni ita-wali so ayeke pionnier so ayeke nga na akpale mingi na kete ti lo, atene: “Mbi mû lani terê ti mbi na Jéhovah ndali ti so mbi ye ti zia ngia na bê ti lo. Me mbi yeke lani sûr so lo peut ti ye mbi lâ oko ape.”

3. Nɛ ge ɔ be zɔk ha zang article kɛ nde?

³ Tongana ti aita-wali use so e londo ti sara tënë ti ala, mo ye Jéhovah mingi me peut-être mo yeke na kite so lo ye mo.  Ngbanga ti nyen la a lingbi mo hinga so lo ye mo biani? Nyen la alingbi ti aidé mo tongana mo pensé so Jéhovah aye mo ape? Zia e bâ akiringo tënë ni.

4. Hazu ge mɔ si kafɛ nde Jéhovah ngoya ɔ yo nɛ ma yeksamɔ?

⁴ Ndoye ayeke na ngangu ti pusu zo ti sara ye. Tongana e hinga so Jéhovah aye e nga ayeke mû maboko na e, a yeke pusu e ti sara na lo na bê ti e kue atâa akpale so e wara. Me tongana e yeke na kite so Nzapa apensé na e, “ngangu ti [e] ayeke kiri gï kete.” (aProv. 24:10). Na tongana e découragé nga e bâ so Nzapa aye e encore ape, a yeke duti ngangu na e ti dö sese na Satan.​—aÉph. 6:16.

5. Ɛngɛ hio ma gdia nɛ kafɛ nde Sɔ ngoya mbua, yo dea ge hazu mbua nde?

⁵ Laso, ambeni ita azia si akite so ayeke na bê ti ala awoko yâ ti songo ti ala na Jéhovah. James, so ayeke mbeni ancien, atene: “Atâa so mbi yeke sara kua na Béthel nga a nzere na mbi ti fa tënë legeoko na congrégation ti mbi so ayeke ti mbeni yanga ti kodro nde, mbi yeke hunda terê ti mbi wala Jéhovah ayeda biani na asacrifice so mbi sara. Na mbeni ngoi, mbi hunda même terê ti mbi wala Jéhovah amä asambela ti mbi.” Eva, so ayeke nga na yâ ti kua ti ngoi kue, atene: “Mbi ga ti bâ so a yeke mbeni kpale ti pensé so Jéhovah aye e ape, ndali ti so a yeke sara ngangu na ndö ti ye kue so e sara na yâ ti kua ti lo. A yeke sara si mo yeke na nzara ti sara na Jéhovah encore ape nga mo yeke perdre ngia so mo yeke na ni na yâ ti kua ti lo.” Michael, so ayeke pionnier permanent nga ancien, atene: “Tongana mo tene so Nzapa ayeke pensé na mo ape, a lingbi ti gue na mo yongoro na lo.”

6. Nɛ ge ɔ doit mɔ de ka ɔ komanse mɔ pensé nde Sɔ ngoy ɔ na nde?

⁶ Atënë ti aita so afa so ti pensé so Jéhovah aye e ape ayeke sara ngangu mingi na ndö ti mabe ti e. Me a lingbi e sara nyen tongana e komanse ti wara mara ti pensé tongaso? A lingbi e tomba ni hio. Hunda Jéhovah ti zia ‘siriri ti Nzapa so ayeke bata bê ti mo nga na lege ti hingango ndo ti mo’ na place ti “agingo bê” ti mo (Ps. 139:23; aPhil. 4:6, 7). Nga girisa ape, gï mo oko la mo pensé tongaso ape. Ambeni ita so ayeke be-ta-zo ayeke tiri na asioni pensé. Même awakua ti Jéhovah ti ândö adoit lani ti tiri na  apensé tongaso. Bâ ye so e lingbi ti manda na lege ti tapande ti bazengele Paul.

7. Hio gete yeksamɔ Paul kpaa soeki nde?

⁷ Eskê na ambeni ngoi mo bâ so kua ahon ndö ti mo na mo bâ so mo peut ti sara ni kue ape? Tongana a yeke tongaso, mo yeke comprendre Paul. Lo gi bê ti lo lani gï ndali ti congrégation oko ape me ndali ti “acongrégation kue.” (2 aCor. 11:23-28). Eskê angangu kpale ti seni asara si mo yeke na ngia ape? Paul ayeke lani na mbeni kpale so asara si lo bâ pasi mingi, peut-être a yeke lani mbeni kpale ti seni na lo ye lani ti tene ahunzi (2 aCor. 12:7-10). Eskê awokongo ti mo wani adécouragé mo? Na ambeni ngoi a si na Paul tongaso. Lo wani lo tene “so mawa na mbi”, ndali ti so lo doit lani lakue ti tiri ti sara ye so ayeke na lege ni.​—aRom. 7:21-24.

8. Getemɔ a haa kɔ soeki ha Paul mɔ baa nɛ nɔa ha zang hio yeksamɔ ka wɛnɛ kpaa nde?

⁸ Atâa so Paul awara atara nga na akpale nde nde, lo ngbâ lani ti sara na Jéhovah. Nyen la amû lani na lo ngangu ti sara ni? Atâa so lo hinga lani so lo yeke na awokongo, lo yeke na kpengba mabe na ye so a futa ti zi azo. Lo hinga nga lani tënë ti Jésus so: ‘Zo kue so amä na bê na [Jésus] ayeke na fini ti lakue lakue.’(Jean 3:16; aRom. 6:23). Biani, Paul amä na bê lani na ye so a futa ti zi azo. Lo hinga lani na bê ti lo kue so Jéhovah ayeke nduru ti pardonné même azo so asara kota siokpari so achangé bê ti ala.​—Ps. 86:5.

9. Ge ɔ lɛma yamba nɛ wal hio wen bɛ Paul ka yo ha aGalate 2:⁠20?

⁹ Paul amä nga na bê lani so Nzapa aye lo mingi ndali ti so lo hinga so Nzapa atokua lani Jésus ti ga ti kui ndali ti lo. (Diko aGalate 2:20.) Bâ atënë ti dengo bê so ayeke na hunzingo ti versê so. Paul atene: “Molenge ti Nzapa . . . andoye mbi si lo kä terê ti lo na kuâ ndali ti mbi.” Paul apensé lani ape so lo yeke sioni mingi tongaso Nzapa alingbi ti ye lo ape. Lo pensé lani ape, lo tene: ‘Mbi hinga ndani so Jéhovah aye aita ti mbi, me lo peut ti ye mbi ape.’ Paul atene na aita ti Rome, lo tene: “Tongana e ngbâ lani awasiokpari, Christ akui ndali ti e.” (aRom. 5:8). Mbeni ye so apeut ti sara si Nzapa andoye e gï kete ayeke dä ape.

10. Getemɔ ga ɔ yamba nɛ wal hio wen ka yo ha aRomain 8:​38, 39?

¹⁰ Diko aRomain 8:38, 39. Paul ahinga lani so ndoye ti Nzapa ayeke ngangu mingi.  Lo tene ye oko “alingbi ande ti kangbi e na ndoye ti Nzapa pëpe”. Paul ahinga lani so Jéhovah akanga bê mingi na azo ti Israël. Lo hinga nga so Jéhovah asara nzoni bê na lo. Na mbeni lege nde, Paul aye lani ti tene: ‘So Jéhovah atokua Molenge ti lo ti kui ndali ti mbi so, eskê mbeni raison ayeke dä ti tene mbi dë kite so lo ye mbi?’​—aRom. 8:32.

11. Ngasé Paul dea hio sɛmbɔ ka ɛ tɔa wena ha 1 Timothée 1:​12-15, hazu ge a ingɔ nɛ kpasa nde Sɔ ngoya wɛnɛ?

¹¹ Diko 1 Timothée 1:12-15. Tongana Paul apensé na aye so lo sara ândö kozo ti ga Chrétien, âmanke a sara lo nzoni oko ape. Li ti e akpe ape so lo tene lo yeke “kota” wasiokpari na popo ti awasiokpari. Kozo ti tene Paul ahinga tâ tënë, lo sara aye ti ngangu na aChrétien na yâ ti agbata nde nde, lo bi ambeni na da ti kanga nga lo yeda na desizion so ada-ngbanga amû ti fâ ambeni (Kus. 26:10, 11). Mo imaginé a sara Paul tongana nyen tongana lo wara terê na mbeni maseka so lo yeda ti tene a fâ babâ na mama ti lo? Vundu asara lani Paul mingi ndali ti afaute so lo sara ândö, me lo hinga so lo peut ti changé ni ape. Lo hinga so Jésus akui ndali ti lo, na lo tene: “Na lege ti kota nzobe ti Nzapa mbi ga zo so ala yeke bâ lo fadeso.” (1 aCor. 15:3, 10). Nyen la e manda dä? Yeda so Christ akui ndali ti mo na lo zi lege na mo ti duti na kpengba songo na Jéhovah (Kus. 3:19). Na lê ti Nzapa, ye so ayeke kota ye ayeke ye so e yeke sara laso nga na yâ ti angoi so ayeke ga, pëpe afaute so e sara ândö, atâa e yeke lani Témoin ti Jéhovah wala pëpe.​—És. 1:18.

12. Ka ɔ zɔka nde ɔ bo nɛ ma mɔ ndang na wala ɔ lɛm tɔ hio ma mɔ na, mɛng ga hio wen ka yo ha 1 Jean 3:​19, 20 lɛma haa kɔ ha ɔ nde?

¹² Tongana mo pensé na Jésus so akui ndali ti siokpari ti mo, peut-être mo yeke  tene: ‘Mbi lingbi na pendere cadeau so ape.’ Ngbanga ti nyen la mo peut ti pensé tongaso? Bê ti e so ayeke mbilimbili-kue ape alingbi ti handa e na asara si e bâ so e yeke ye oko ape wala e lingbi ape ti tene a ye e. (Diko 1 Jean 3:19, 20.) Tongana e wara mara ti pensé so, a lingbi e girisa ape so “Nzapa ayeke kota ahon bê ti e”. Même tongana e bâ so Jéhovah aye e ape wala lo pardonné e ape, Babâ ti e ti yayu angbâ ti ye e nga lo yeke pardonné e. A lingbi e wani e gi ti yeda so Jéhovah aye e. Ti sara ni, a lingbi e manda Bible lakue, e sambela fani mingi nga e wara terê lakue na azo so avoro lo. Ngbanga ti nyen la a yeke kota ye ti sara aye so?

13. Mɛng ga yamba Bible lɛma haa kɔ ha ɔ nde? (Zɔk encadré “Bible amu maboko na ala tongana nyen?”)

¹³ Tongana mo yeke manda Bible lâ na lâ, mo yeke bâ polele apendere sarango ye ti Jéhovah. Mo yeke hinga so lo ye mo mingi. Ti gbu li na ndö ti mbeni mbage ti Bible lâ na lâ ayeke mû maboko na mo ti bâ aye polele, ndali ti so a yeke sara si mo tomba asioni pensé nga na asioni nzara so mo yeke na ni (2 Tim. 3:16). Kevin, mbeni ancien so abâ lani so lo yeke ye oko ape, atene: “So mbi diko Psaume 103 nga mbi gbu li na ndö ni amû maboko na mbi ti changé apensé ti mbi nga ti hinga tâ bango ndo ti Jéhovah na ndö ti mbi.” Eva, so e sara tënë ti lo fade, atene: “Na hunzingo ti lango oko oko, mbi yeke gbu li na ndö ti apensé ti Jéhovah. A sara si mbi yeke na siriri ti bê nga akpengba mabe ti mbi.”

14. Sombalamɔ lɛma haa kɔ ha ɔ mɛng nde?

¹⁴ Sambela lakue. (1 aThes. 5:17). Tongana mo ye ti ga kamarade ti mbeni zo, a lingbi mo sara lisoro na lo lakue nga mo fa na lo apensé ti mo. Songo ti e na Jéhovah nga ayeke tongaso. Tongana e fa na Jéhovah na yâ ti sambela atënë ti bê ti e, apensé ti e nga na agingo bê ti e, e fa so e yeke na confiance na lo nga e hinga so lo ye e (Ps. 94:17-19; 1 Jean 5:14, 15). Yua, so e sara tënë ti lo fade, atene: “Na ngoi so mbi yeke sambela, mbi yeke fa na Jéhovah gï aye so asi na mbi na yâ ti lango ni ape. Mbi yeke zi bê ti mbi na Jéhovah na mbi yeke fa na lo avrai tënë ti bê ti mbi. Yeke yeke mbi ga ti bâ so Jéhovah ayeke pëpe tongana patron ti mbeni kota ndokua, me lo yeke tongana mbeni Babâ so aye biani amolenge ti lo.”​—Bâ encadré “Mo diko ni awe?”

15. Mɛng ga Jéhovah osa nde wɛnɛ ha pensé nɛ ɔ nde?

¹⁵ Mû ngoi ti duti na atâ kamarade; ala yeke cadeau so Jéhovah amû na e (Jacq. 1:17). Babâ ti e ti yayu afa so lo pensé na e na lege so lo mû na e aita ti congrégation so  ‘aye e na ngoi kue’. (aProv. 17:17). Na yâ ti lettre so Paul atokua na aColossien, lo sara tënë ti ambeni ita so amû maboko na lo, lo tene ala yeke “azo so adë bê ti [lo] mingi.” (aCol. 4:10, 11). Même Christ Jésus abezoin lani mungo maboko ti akamarade ti lo so ayeke a-ange nga na azo, na lo kiri lani singila ndali ni.​—Luc 22:28, 43.

16. Mɛng ga hio kpasa gdidan lɛma haa kɔ ha ɔ mɔ tɛ sanga pentɛ nɛ Jéhovah nde?

¹⁶ Eskê mo wara ye ti nzoni mingi na lege ti cadeau so Jéhovah amû na e so ayeke atâ kamarade? Tongana e fa agingo bê ti e na mbeni kamarade so ayeke biazo, a ye ti fa ape so mabe ti e awoko. Me a lingbi ti bata e. Bâ ye so James, so e sara tënë ti lo fade, atene: “So akota kamarade ti mbi ayeke aChrétien so ayeke biazo amû maboko na mbi mingi. Tongana gbâ ti asioni pensé aga na li ti mbi, akamarade so, so mbi ye ala mingi, ayeke kanga bê amä mbi nga ala yeke tene na mbi so ala ye mbi. Na lege ti ala, mbi bâ so Jéhovah aye mbi nga lo yeke bâ lege ti mbi.” A yeke kota ye mingi ti ga kota kamarade ti aita.

17-18. Gete wi ga lɛma nde ɔ ze wɛnɛ nde? Hazu ge nde?

¹⁷ Satan aye ti tene e zia lege ti tiri so e yeke tiri ti sara ye so ayeke na lege ni. Lo ye ti tene e mä na bê so Jéhovah aye e ape, so e lingbi ape ti tene lo sö e. Me tongana ti so e bâ, a yeke tâ tënë ape.

¹⁸ Jéhovah aye mo. Lo bâ mo na nene ni. Tongana mo mä yanga ti lo, mo yeke “ngbâ na yâ ti ndoye ti lo” lakue lakue tongana Jésus (Jean 15:10). Tongaso, mä pëpe Satan wala bê ti mo so ayeke fâ ngbanga na ndö ti mo. Me, mä Jéhovah so ayeke bâ nzoni ye so e oko oko kue e yeke sara. Hinga na bê ti mo kue so bê ti lo anzere na azo ti lo, na mo nga kue.