Ki manniè wayòm Bondié kèy réglé pwoblèm ladjè ?
Ladjè ka kontinié ravajé monn-lan. Sa ka mennen soufwans ki térib. Sé sa nou ka konstaté épi sé enfòwmasion-tala :
« Ni nouvo chif ka montré ki nonb moun ki mò palakòz ladjè pa té janmen osi wo dépi 28 lanné, èspésialman akòz ladjè ka fèt Étiopi épi Ikrèn » (Institut de recherche sur la paix pa koté Òslo, 7 jwen 2023).
« Ladjè an Ikrèn sé yonn pami tout sé ladjè-a ki vini pli mové an 2022. Lanné pasé, violans politik ògmanté di 27 % adan monn-lan, é 1,7 milia moun sibi konsékans violans-tala » (Armed Conflict Location & Event Data Project (ACLED), 8 févriyé 2023).
Labib ka ba nou an lèspwa. I ka di « Bondié ki nan sièl kèy lévé an wayòm ki pé kèy janmen disparèt » (Danièl 2:44). Anba wayòm, ouben gouvènman-tala, Bondié kèy « fè sé ladjè-a bout oliwon tout latè » (Sòm 46:9).