Adan awtik-la nou fini li-a, nou dékatiyé sin-lan Jézi té anonsé. Sin-tala sé an prèv nou ka wè épi zié-nou, ki wayòm Bondié enstalé an sièl-la, é Jézikri ka dirijé’y.

Labib-la ka di ki, lè Jézi vini Wa an sièl-la, i mété ki Satan ki sé démon’y-lan déwò. Jòdi-jou, dominasion-yo ka rété jiskont oliwon latè-a. Sé an rézon ki fè sé bagay-la ka vini pli mové anmizi-anmizi dépi 1914 (Révélasion 12:7, 9).

Magré lavi-a adan monn-tala ka vini plizanpli mové, Jézi, Wa wayòm Bondié-a, ka fè bon bagay ba lézòm. Gras a travay ansèyman Bib-la i té anonsé, an patjé moun ka aprann sé prensip Labib-la é yo ka aplitjé yo chak jou (Izayi 2:2-4). Sé prensip-tala ka endé milion moun pa ba travay-la twòp potalans, ni pli bon rilasion épi lafanmi-yo, pran sa ki bon adan bagay matérièl san vini èsklav sé bagay-tala. Sé moun-tala ka aprann ki manniè pou ni an méyè lavi dépi atjèlman. Épi, yo ka aprann vini sé modèl moun-lan Bondié lé adan wayòm-li.

Menm si Jézi ja ka rénié an sièl-la, sé toujou lézòm ka gouvèné latè. Men, Bondié ba Jézi lòd-tala : « Alé an mitan lèlmi’w, èk dominé asou yo » (Sòm 110:2). Dan pa lontan, Jézi kay fè disparèt pran tout moun ki kont Wayòm-lan, an fwa poutout. Sa kay pòté an gran soulajman ba sé moun-lan ki ka obéyi Bondié épi tout tjè-yo.

Sé pou sa, wayòm Bondié kay fè sé bagay-tala :

• I kay détwi tout fo rèlijion. Sé rèlijion-an ki ansénié mansonj asou Bondié épi ki fè sé moun-lan wè mizè pé ké la ankò. Labib-la ka konparé lansanm sé fo rèlijion-an épi an pwòstitié. Anlo moun kay soté lè i kay disparèt (Révélasion 17:15, 16).

• I kay fini épi dominasion lézòm. Wayòm Bondié-a kay fini épi dominasion lézòm an fwa poutout (Révélasion 19:15, 17, 18).

• I kay détwi sé méchan-an. Kisa nou pé di asou sé moun-lan ki pa ka sispann fè sa ki mal é ki pa lé obéyi Bondié ? « Kantapou moun méchan, yo kèy disparèt asou latè » (Pwovèb 2:22)

• I kay fè Satan é sé démon-an disparèt. Satan épi sé démon-an pé ké kapab ‘garé lé nasion’ ankò (Révélasion 20:3, 10).

Koumanniè lavi lézòm kay yé anba dominasion wayòm Bondié ?

Jézi, wa an sièl-la, kèy akonpli anchay bagay éti piès chèf monn-tala pa jen rivé akonpli. I kay ni 144 000 moun, chwazi pami lézòm, pou endé Jézi dirijé (Révélasion 5:9, 10 ; 14:1, 3). I kay réyalizé volonté Bondié isiya, asou latè. Ki bienfè wayòm Bondié kay pòté ba moun asou latè ?

• I kay fè lamaladi épi lanmò disparèt. « Pa an moun an péyi-a pé kéy di : “Mwen malad” », épi « pé kéy ni lanmò ankò » (Izayi 33:24 ; Révélasion 21:4).

• I kay mété lapé épi lasékirité poubon. « Yich-ou kéy konnèt lapé an gran bondans », é « yo kay asiz, chak-la anba pié rézen’y èk pié fig-li, pa an moun pé kéy pé fè yo pè » (Izayi 54:13 ; Miché 4:4).

• I kay ba lézòm an bon travay. « É moun man chwézi kay bien jwi di travay lanmen-yo. Yo pa kay krazé kò-yo pou ayen » (Izayi 65:22, 23).

• I kay réparé pwoblèm ékolojik. « Dézè épi péyi san dlo kay kriyé lajwa, plenn tou sèk kéy kontan, yo kéy fléri kon flè safwan » (Izayi 35:1).

• I kay ansénié lézòm sa yo pou fè pou ni lavi étèrnèl. « Lavi étèrnèl lé di : aprann konnèt ou, wou, sèl vré Bondié-a, épi moun-lan ou vréyé a, Jézikri » (Jan 17:3).

Bondié lé’w konnèt sé bon bagay-tala (Izayi 48:18). Awtik-la ki ka vini an ka èsplitjé sa zòt pou fè dépi atjèlman pou konnèt bèl lavni-tala.