28 avril – 4 mé
PWOVÈB 11
Kantik 90 épi lapriyè | Pawòl pou koumansé (1 min)
1. Ou pa pou di sa !
(10 min)
Annou pa di ayen ki pé fè « pwochen » nou ditò (Pw 11:9 ; w02-F 15/5 26 § 4).
Annou pa di ayen ki ka divizé (Pw 11:11 ; w02-F 15/5 27 § 2-3).
Annou pa palé di bagay nou pa pou di (Pw 11:12, 13 ; w02-F 15/5 27 § 5).
POU MÉDITÉ : Poutji aplitjé sa Jézi di an Lik 6:45 ka endé nou rijété pawòl ki pa bon ?
2. Trézò èspiritièl
(10 min)
-
Pw 11:17 : Poutji fè lézòt dibien sé an bon bagay ba nou ? (g20.1-F 11, kad).
-
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Pw 11:1-20 (th lison 5).
4. Koumansé an ti-kozé
(4 min) TÉMWAYAJ LÈ’W NI LOKAZION. Chèché an lokazion palé épi moun-lan di an bagay ou aprann adan an réyinion ki fèt pa ni lontan (lmd lison 2 pwen 4).
5. Kontinié an ti-kozé
(4 min) TÉMWAYAJ LÈ’W NI LOKAZION. Prézanté moun-lan an vidéwo adan bwèt zouti-a pou ansénié, épi diskité asou’y (lmd lison 8 pwen 3).
6. Fè an létid biblik
(4 min) TÉMWAYAJ PIBLIK. Pwopozé moun-lan an létid Labib, épi montré’y ki manniè sa ka pasé (lmd lison 10 pwen 3).
Kantik 157
7. Pa kité sa’w ka di détwi lapé !
(15 min). Diskision.
Davwè nou pa pawfé, sa ka rivé nou di dé bagay ki pa bon (Jk 3:8). Men lè nou ka sonjé pwoblèm sa pé mennen, sa ka anpéché nou di dé bagay nou pé rigrété. Mi yonn-dé pawòl ki pé détwi lapé adan lasanblé-a.
-
Lè an moun enmen vanté kòy. Lè an moun ka vanté kòy, i ka gloriyé pwòp kòy. Lézòt pé koumansé anvié’y épi fè konpétision épi’y (Pw 27:2).
-
Pawòl ki pa onnèt. Sé mansonj épi pawòl moun ka di pou kouyonnen lézòt. Menm an sèl ti pawòl malonnèt pé fè tout konfians pran lavòl épi sali répitasion an moun (Ék 10:1).
-
Malpalé moun. Sé lè an moun ka di pawòl initil anlè dòt moun épi anlè lavi-yo. I ka di bagay ki pa vré a san pou san, ouben bagay privé (1Tm 5:13). Sa pé mennen kankan épi divizion.
-
Pawòl plen kolè. Sé di an moun ki fè nou lévé-faché tousa ki ka pasé an tèt-nou pas nou an kolé (Éf 4:26). Sé kalté pawòl-tala pé fé moun-lan anpil ditò (Pw 29:22).
Gadé VIDÉWO-a « Viré do » ba sa ki ka koubaré lapé (mòso). Apré mandé :
-
Adan an bat-zié, sa nou ka di pé tiré lapé adan lasanblé-a. Ki manniè nou wè sa adan vidéwo-a ?
Pou wè ki manniè lapé viré adan lasanblé-a, gadé vidéwo-a « Chèché lapé é fè tousa ou pé pou trapé’y ».
8. Létid biblik lasanblé-a
(30 min) bt chap. 25 § 14-21.
