LAVI AN KRÉTJEN
Apiyé asou Jéova pou rété doubout lè yo ka pri an zo ’w
Lè an moun ka pèsékité nou, nou pé trapé soufwans fizik épi moral. É yo pé menm fè nou ditò èspiritièlman, si nou ka kité yo monté anlè pié-nou lè yo lé anpéché nou adoré Bondié. Alò koumanniè ou pé pwotéjé kòw douvan an moun ka pri an zo’w ?
Pas yo té ka apiyé anlè’y, anlo sèvitè Jéova rivé rété doubout lè moun té ka pri an zo-yo (Sm 18:17). Kontèl, Èstè palé pou mété déwò plan Amàn, an pèsékitè ki té mové menm (Èst 7:1-6). Avan sa, i té fè an jenn, pou montré i té ni konfians an Jéova (Èst 4:14-16). Jéova béni sa i fè é i pwotéjé’y, li épi pèp-li.
Jenn, si yo ka pri an zo’w, kon Èstè, mandé Jéova endé’w épi palé di pwoblèm-ou épi an adilt ki mi, kontèl lé paran’w. Ou pé asiré Jéova kéy endé’w kon i endé Èstè. Kisa ki pé endé’w ankò pou goumen kont moun ka pri an zo’w ?
GADÉ VIDÉWO-A MWEN JENN, SÉ LAVI-MWEN : KI MANNIÈ MAN PÉ RÉTÉ DOUBOUT LÈ YO KA PRI AN ZO-MWEN ?, APRÉ RÉPONN SÈ KÈSION-TALA :
-
Kisa sé jenn-lan pé aprann gras a lègzanp Charlie épi Ferin ?
-
Kisa lé paran pé aprann asou manniè endé an timanmay ki pèsékité gras a témwayaj Charlie épi Ferin ?