Sé fondas lansèyman Bibla yo ka touvé andidan bwochi tala, asiré pa pétèt fè lanmou ou ni pou Jéova vini pli fò. Fòk ou toujou kontinié nouri lanmou tala (1 Piè 2:2). Si ou lé vini pli pwé Bondié, pa sispann étidié Pawol-li. Sé sel manniè ou pé ni lespwa viv pou toujou. — Li Jan 17:3 ; Jid 21.

Pli ou kay konnet Bondié, pli lafwa’w kay vini fò. Lafwa’w kay pewmet ou fè Bondié plézi (Ébré 11:1, 6). Sa kay pousé’w ripanti kòw, fè tout chanjman ki nésésè, épi sa kay rann lavi’w pli bel. — Li Ak 3:19.

Nou tout enmen palé di bon nouvel. Ou kay lé palé ba dòt moun di sa ou ka apwann, sa bien natirel. Pli ou ka kontinié étidié Labib, pli ou kay apwann sèvi’y pou esplitjé dòt moun lafwa’w an Jéova épi di yo bon nouvel-la i ni ba nou-an. — Li Women 10:13-15.

An patjé moun ka koumansé palé di bon nouvel-la ba zanmi yo épi fanmi yo. Fòk ou jantiy épi fòk ou ni anlo respé. Pasé ou di lafanmi’w rilijion yo pa bon, simié ou palé yo plito di pwomes Bondié. Sonjé ki bien délè, jantiyes ou kay touché yo plis ki sa’w ka di. — Li 2 Timoté 2:24, 25.

Létid Labib ou kay endé’w vansé douvan. Pou fini, ou kay pé ni an pli bon rilasion épi Jéova. Ou kay pé vini touvé kòw adan fanmi’y li ! — Li 2 Korentyien 6:18.

Si ou pa sispann étidié Pawol Bondié, ou kay kontinié alé douvan (Ébré 5:13, 14). Mandé an Témwen Jéova étidié Bibla épi’w asou liv Que nous enseigne la Bible ? Pli ou kay étidié Pawol Bondié, pli lavi’w kay vini bel. — Li Sòm 1:1-3 ; 73:27, 28.

Sé bon nouvel-la ki ni adan bwochi tala, ka vini di Jéova, Bondié bienéré-a. Ou pé vini pli pwé’y lè ou ka kolé koté sé adoratè’y la (Ébré 10:24, 25). Pli ou kontinié fè éfò pou fè’y plézi pli ou kay pwan chimen vré lavi-a, lavi étewnel. Vini pli pwé Bondié, sé méyè bagay ou ni pou fè. — Li 1 Timoté 1:11 ; 6:19.