KOUMANSÉ AN TI-KOZÉ
LISON 3
Palé é aji épi jantiyès
Prensip : « Lanmou […] bon » (1 Kor. 13:4).
Ki manniè Jézi té ka fè ?
1. Gadé VIDÉWO-a ouben li Jan 9:1-7. Apré, katjilé anlè sé kèsion-tala :
-
Kisa Jézi fè an prèmié : i ba misié-a bon nouvèl-la, oben i djéri’y ? (gadé Jan 9:35-38).
-
Poutji nou pé di manniè Jézi fè a, mennen moun-lan kouté mésaj-la ?
Kisa lègzanp Jézi ka aprann nou ?
2. An moun ké plis anvi kouté nou si i ka santi nou ka sousié kònou di’y.
Pou fè kon Jézi…
3. Mété kòw alaplas moun-lan.
-
Chèché sav kisa ki ka chagrinen’y, sa ki ka entérésé’y épi sa i bizwen. Konsa, i ké wè ou pa ka fè wòl ou janti épi’y. I ké wè tou ou natirèl épi sensè.
-
Lè’w ka pran tan kouté’y, ou ka montré ou ka sousié kòw di sa ki ka entérésé’y. Si moun-lan ka di’w sa li menm ka pansé oben i ka rakonté’w ti pwoblèm-li, pa chanjé sijé.
4. Palé épi rèspé é jantiyès. Moun-lan ké santi anlè son vwa’w ou janti épi ou anvi endé’y. Prangad sa’w ka di épi manniè ou ka palé ba moun-lan. Konsa, ou pé ké di ayen ki ké fwasé moun-lan.
5. Mandé moun-lan sa ou pé fè ba’y. Gadé ki manniè ou pé rann moun-lan an sèvis. Si’w janti épi moun-lan, pétèt i ké anvi palé épi’w.