KONTINIÉ AN TI-KOZÉ
LISON 7
Kontinié fè éfò pou endé sé moun-lan
Prensip : « Yo té ka kontinié san rété ansénié épi anonsé bon nouvèl-la » (Akt 5:42).
Ki manniè Pòl té ka fè ?
1. Gadé VIDÉWO-a ouben li Akt 19:8-10. Apré, katjilé anlè sé kèsion-tala :
Kisa lègzanp Pòl ka aprann nou ?
2. Kontinié palé épi an moun jistan nou rivé koumansé an létid Labib, sa ka mandé tan épi éfò.
Pou fè kon Pòl...
3. Alé wè moun-lan lè i disponib. Mandé kòw ki tan épi ki koté moun-lan té ké enmen ou vini wè’y. Asèpté randévou-a menmsi lè-a épi koté-a pa ka ranjé’w.
4. Mandé ki tan ou pé viré. Avan ou kité moun-lan, mandé’y ki tan ou pé viré épi rèspèkté pawòl-ou.
5. Pa dékourajé. Pa présé di konsa, moun-lan pa entérésé, pas ou pa ka rivé jwenn li, oben i toujou otjipé (1 Kor. 13:4, 7). Sa vré, fòk ou kontinié endé sé moun-lan, men prangad pa pèd tan’w (1 Kor. 9:26).
