Adan épi Ev fè ti manmay. Latè té plen moun. Apwé sa, an pil zanj ribélé kò yo épi Satan.

Yo vini anlè latè, yo pran kò nonm pou mayé épi fanm. Yich yo vini dé nonm ki té fò épi brital.

Monn-lan té plen moun, yo té ka fè yenki sa ki mal. Labib-la ka di, sé zabitan latè-a té méchan toubannman, tout lè yo té ka chonjé fè sa ki pa bon.

Noé té ka fè sa ki bien. Jéova di’y I té kay éfasé sé méchan-an épi an délij. Sa lé di, dlo té kay kouvè latè.

Bondié mandé Noé fè an gran kof : an lach. Noé té pou fè tout fanmi’y antré épi tout kalté zannimo.

Noé avèti tout moun an délij té kay vini. Men yo pies pa kouté. An lo té ka fè lafet épi’y, dòt té rayi’y.

Lè’y fini lach-la, Noé fè sé zannimo-a antré andidan’y.