PATI 3
Ki manniè lavi té yé okoumansman ?
Jéova ba Adan épi Ev an pil bon bagay (Jenèz 1:28).
Jéova kréyé prèmié fanm-lan, Ev, I mayé’y épi Adan (Jenèz 2:21, 22).
Jéova té ba yo an entèlijans épi an kò pawfé, sa lé di san défo.
Adan épi Ev té ka viv adan an jaden, yo té ka kriyé Édenn. Sé té an koté ki té bel, té ni an flev, piébwa ki té ni fwi, té ni zannimo osi.
Jéova té ka palé ba Adan épi Ev ; I té ka anséyé yo. Si yo té kouté, yo té kay viv pou toujou anlè latè.
Bondié té défann yo manjé fwi yann di sé piébwa-a (Jenèz 2:16, 17).
Jéova té défann Adan épi Ev manjé fwi an piébwa adan jaden-an si yo pa té lé mò.
An zanj ribélé kòy kont Bondié. Zanj mové tala non’y sé Satan Djabla.
Satan pa té lé Adan épi Ev obéyi Jéova. I sèvi an sèpan pou di Ev, si’y manjé fwi piébwa tala, i pé ké mò, men i kay kon Bondié. Pawol tala sé té an mansonj (Jenèz 3:1-5).
Tibren plis ankò
ESSENTIAL BIBLE TEACHINGS
Poutji Bondié kréyé Latè ?
Planet nou-an bel toubanman. I plasé bon distans-lan paratot a Soley-la, i panché pou pewmet li tounen bon manniè-a épi suiv bon chimen-an adan bon vites la. Poutji Bondié ba kòy tou sa lapenn pou kréyé Latè-a ?
