Enmen sa’w kay di épi tout tjè’w. Toupandan ou ka paré kòw, bien katjilé asou fondòk mésaj-ou a. Bien konnèt sa’w kay di, pou palé an manniè ka konvenk.

Sonjé moun ka kouté’w. Pran tan katjilé asou sa lèkti’w oben lansèyman’w kay pòté ba sé moun-lan. Réfléchi pou wè ki manniè ou pé fè lèkti-a ouben prézanté lansèyman-an pou yo ni plis valè an zié sé moun-lan.

Rann sa’w ka di pli vivan. Palé épi tout tjè’w. Fòk sa’w ka risanti parèt anlè fidji’w épi fè jès ki natirèl.