Bien paré kòw. Étidié sé lidé-a jiktan ou bien konprann kouman sé rézònman biblik-la ka mennen a an konklizion lojik. Di sé lidé mèt-la èk mo ki senp. Mété lèspri’w asou sa ki itil ba moun ki ka kouté’w. Priyé pou Bondié ba’w lèspri sen.

Sèvi mo ki ka montré ou ni lafwa adan sa’w ka di a. Pa anni répété toubannman mo ki adan an piblikasion ; palé épi pwòp mo’w. Chwazi pawòl ki ka montré ki’w sèten sa’w ka di.

Montré ou sensè épi chèché konvenk sé moun-lan. Palé asé fò. Gadé moun ki ka kouté’w an zié si sa pa ka jennen adan péyi’w.