Ankourajé moun ki ka kouté’w réfléchi asou sa ki an tjè-yo. Pozé kèsion pou fè yo réfléchi asou pwòp santiman-yo.

Endé yo ni bon lentansion an tjè-yo. Mennen sé moun-lan ki ka kouté’w katjilé asou rézon ki ka fè yo bien aji. Ba yo lanvi kiltivé méyè lentansion ki ni : lanmou pou Jéova, pou pwochen-yo épi pou lansèyman Labib. Fè lèspri-yo travay ; pa fè yo ripwòch. Pa fè yo wont ; lè’w fini palé, fodré yo santi kòyo ankourajé pou yo ni plis balan.

Mété Jéova douvan. Èsplitjé ki manniè lansèyman, prensip épi koumandman Labib ka montré bèl kalité Jéova é lanmou i ni ba nou. Endé moun ni lanvi tjenn kont di santiman Jéova èk ni lanvi fè’y plézi tou.