LISON 2
Palé an manniè natirèl
2 Korentjen 2:17
KISA POU FÈ : Palé an manniè natirèl épi sensè ba moun ka kouté’w, pou yo wè sa’w ka risanti ba yo é pou yo wè ou enmen sa’w ka di a.
KI MANNIÈ POU FÈ SA :
-
Paré kòw bien épi prédié Jéova. Mandé Jéova endé’w mété lèspri’w asou mésaj-la, ki plito asou latranblad ou pé trapé. Fòk ou bien konprann kilès lidé ki pli enpòtan pou’w di. Di sa’w konprann épi pwòp pawòl-ou ; pa anni répété sa ki sòti adan liv toubannman.
-
Lésé tjè’w palé. Katjilé poutji sé moun-lan bizwen tann mésaj-tala. Mété lèspri’w asou yo. Kidonk, manniè ou ka tjenn kòw, jès-ou, manniè fidji’w ka parèt kay montré jantiyès-ou épi tout lanmou ki an fon tjè’w.
-
Gadé sé moun-lan ki ka kouté’w. Pran tan gadé sé moun-lan, sèlman si sa pa ka jennen adan péyi’w. Lè’w ka ba an diskou, gadé an moun apré lòt, pa anni gadé tout moun oben jété an kout zié toupatou adan sal-la.
