Kisa ki pé rann lavi an fanmi pli bel ?
Dapwé’w, sé...
-
lanmou.
-
lajan.
-
an lot bagay.
MI SA LABIB KA DI
« Bienéré [...] tout moun ki ka kouté pawol bondié épi ki ka pratitjé’y ! » (Lik 11:28, Bible en français courant).
SA LÉ DI
Lè an fanmi ka suiv konsey tala, i ké ni :
an vwé lanmou (Éfézien 5:28, 29),
respé (Éfézien 5:33),
konfians yonn a lot (Mak 10:6-9).
ES NOU PÉ KWÈ SA LABIB KA DI ?
Wi, déja pou dé rézon :
-
Sé Bondié ki kréyé la fanmi. Labib ka di « tout fanmi [...] ni an non » gras a Jéova (Éfézien 3:14, 15). Sa lé di, si i ni fanmi, sé pas Jéova kréyé yo. Poutji sa bon pou’w sav sa ?
A sipozé : Ou ka manjé an bon ti manjé épi ou anvi sav ki manniè i fèt. Ki moun ou kay mandé ? An tout manniè moun-lan ki fè’y la.
Sé menm bagay la, pou konnet ki moun ki pé ba’w an lavi fanmi pli bel, sa ou pou fè sé mandé Jéova Fondatè la fanmi (Jénez 2:18-24).
-
Bondié ka véyé anlè’w. Sa té kay bon ki tout fanmi chèché konsey Jéova ka ba adan Pawol li Labib. Poutji ? « Pas I ka véyé anlè zot » (1 Piè 5:6, 7). Jéova lé bonè nou, épi konsey li ka maché tout lè ! (Pwoveb 3:5, 6 ; Ézayi 48:17, 18).
KATJILÉ ANLÈ SA
Kisa pou’w fè si ou lé vini an bon mari ou an bon madanm, an bon papa ou an bon manman ?
Labib ka réponn kèsion tala an ÉFÉZIEN 5:1, 2 épi an KOLOSIEN 3:18-21.