« Tout Ékriti espiré di Bondié » (2 Timoté 3:16, La Bible. Traduction du monde nouveau).

Labib pé pòté ba’w :

bon répons anlè anlo kèsion lavi-a (Pwoveb 2:1-5),

konsey ki ka maché é ki ka djidé’w tou lé jou (Sòm 119:105),

an lespwa véritab pou dèmen (Women 15:4).

Wi, déja pou twa rézon :

• An liannaj estwòdinè. 40 nonm diféran, anlo pa janmen jwenn, ékri Labib anlè an périod 1600 lanné. Magrésa, tout Labib ni an sel listwa épi an lidé met !

• Labib pa ka manti. Sé moun-lan ki ka ékri istwa yo, pa ka matjé lè yo ka pèd. Mé lé ékriven Labib ka di tout la vérité, bon épi mové, menm sa yo fè (2 Kwonik 36:15, 16 ; Sòm 51:1-4).

• Tou sa ki matjé ka toujou fèt. 700 lanné avan Mési vini, Labib té ja di i té kay net Betléem, an ti vil Jida (Miché 5:2). Koté i net ? Menm Betléem tala (Matié 2:1-6).

  Labib ni anpil pwofési ki ka fèt kon i té di. Mé, es sé pa sa nou ka atann di an liv ki ka vini di Bondié ? (2 Piè 1:21).