« Bondié [...] kay suiyé tout dlo an zié yo, pé ké ni lanmò, pé ké ni dey, pé ké ni kri épi pé ké ni doulè. Tout vié bagay pasé ké disparet » (Révélasion 21:3, 4, La Bible. Traduction du monde nouveau).

Pwonmes tala pé pòté ba’w :

lasirans Bondié pa reskonsab pwoblem nou ka jwenn (Jak 1:13),

an konsolasion, pas nou sav lè nou ka soufè, Bondié ni lapenn (Zakari 2:8),

an lespwa sèten tout soufwans kay fini (Sòm 37:9-11).

Wi, déja pou dé rézon :

• Bondié rayi lasoufwans épi lenjistis. An nou konsidéré sa sa té ka fè Jéova, lè yo té ka maltrété pep li an tan lontan. Labib ka di nou, Jéova « té ni pitié di yo, lè yo té ka tod anba mové tretman » (Jij 2:18, Bible en français courant).

  Lè an moun ka fè an lot méchansté, Bondié pa enmen sa piès. Pa ekzanp, Labib ka di l rayi « lanmen ki ka tjwé inosan » (Pwoveb 6:16, 17, La Bible. Traduction du monde nouveau).

• Bondié ka sousié kò’y di chak moun. Chak moun konnet « bobo-y épi doulè-y », mé Jéova sav tou sa osi ! (2 Kwonik 6:29, 30).

  Gras a Wayom-li, talè Jéova kay tiré soufwans chak moun (Matié 6:9, 10). Pandan-sitan, i ka konsolé épi anlo tandres tout moun ki ka pran tan yo chèché-y (Ak 17:27 ; 2 Korentjen 1:3, 4).