« Tout latè a anba lanmen djab-la » (1 Jan 5:19, Bible du semeur).

« Sé pou sa Yich Bondié paret [...] pou krazé travay Djab-la » (1 Jan 3:8, La Bible. Traduction du monde nouveau).

Épi sé vérité tala, ou pé :

rivé konprann pli bien poutji ni tou sa pwoblem an monn tala (Révélasion 12:12),

ni an rézon pou kwè adan an monn méyè (1 Jan 2:17).

Wi, déja pou twa rézon :

• Bondié kondané dominasion Djab-la. Jéova Bondié paré pou tiré tout moun anba dominasion Satan. I pwonmet krazé-y épi ranjé tout déga i fè (Ébré 2:14).

• Bondié chwazi Jézikri pou dominé monn-lan. Jézi pani ayen a wè épi moun-lan ki ka gouvèné monn-lan, an chef ki san pitié, ki la pou lentéré’y. Bondié pwonmet ki wa nou-an, Jézi, « kay ni pitié pou lé piti épi lé maléré [...]. I kay tiré yo anba mové dominasion épi anba violans » (Sòm 72:13, 14).

• Bondié pé pa manti. Labib klè anlè sa : « Sa pa posib, Bondié pé pa manti piès » (Ébré 6:18). Lè Jéova ka pwonmet an bagay, annou di i ja fèt (Ézayi 55:10, 11). Asiré « yo kay jété chef monn tala déwò » ! (Jan 12:31).