LISON 02
Labib ka ba nou lèspwa an divini pli bèl
Toupatou oliwon latè, moun ka viv sitiyasion ka rann yo tris, ka ba yo langwas oben ka fè yo soufè. Ès sa ja rivé’w ? Pétèt ou malad, pétèt ou pèd an moun ou té enmen. Alòs ou ka mandé kòw : « Ès an jou sa kay pli mié ? » Adan Labib-la, ou ké touvé an répons ki ka ba’w tjè.
1. Ki lèspwa Labib ka ba ?
Labib-la ka èsplitjé poutji monn-lan adan léta-tala, men i ka ba osi an bon nouvèl : tout sé pwoblèm-tala ké pran lavòl adan an ti moman. Labib-la ka pwonmèt, « an divini é an lèspwa » ba limanité (li Jérémi 29:11, 12). Sé pwonmès-tala ka endé nou tjenbé doubout douvan difikilté, rété pozitif é touvé vré lajwa.
2. Ki divini Labib ka pwonmèt ?
Labib-la ka di, talè, « pé ké ni lanmò ; pé ké ni dèy, pé ké ni kri, épi pé ké ni doulè » (li Révélasion 21:4). Tout pwoblèm ki ka rann lavi-a rèd, kon lanmizè, lenjistis, lamaladi épi lanmò kèy disparèt. Labib-la ka pwonmèt lézòm kay pé pwofité an bèl lavi adan an paradi asou latè.
3. Koumanniè nou pé asiré pwonmès Labib ké réyalizé poubon ?
An patjé moun ni divès lèspwa, men yo pa ni piès lasirans lèspwa-yo kay vini réyèl. Pwonmès Labib-la, sé pa menm bagay-la : yo ké réyalizé poubon. Pou nou pé sa asiré sa, fòk nou ‘pran tan dékatiyé Lékriti-a’ (Akt 17:11). Sé lè’w kéy étidié Labib-la ou kay pé sav, si wi oben non, ou kèy pé kwè sa i ka pwonmèt pou dèmen.
ANNOU PLI LWEN
Annou gadé kouman lavi-a kèy yé lè pwonmès Labib-la kèy réyalizé. Épi annou gadé sa lèspwa Labib-la ka ba pé pòté ba nou dépi atjèlman.
4. Labib ka ba lèspwa an lavi pawfé épi étèrnèl
Annou li ansanm yonn-dé pwonmès nou ka touvé adan Labib-la. Kilès ka plè’w èspésialman ? Poutji ?
Li sé vèsé-a ki ka vini apré chak pwonmès, épi katjilé anlè sé kèsion-tala :
-
Ès sé vèsé-tala ka ba’w lèspwa ? Ès ou ka pansé yo té kèy pé ba lafanmi’w ouben zanmi’w lèspwa osi ?
Imajinen an monn koté :
|
PÈSONN... |
TOUT MOUN... |
|---|---|
|
|
|
|
|
|
|
|
|
|
5. Lèspwa Labib ka ba pé chanjé lavi’w
Lè yo ka wè tout sé pwoblèm-lan ki ni alantou yo, anlo moun ka pèd fòs, oben ka lévé faché. I ni dòt ki ka goumen pou chanjé lavi-a. Gadé kouman pwonmès Labib-la ka fè dòt moun dibien. Gadé VIDÉWO-a, épi diskité sé kèsion-tala :
-
Ki kalté lenjistis té ka tèrbolizé Rafika ?
-
Menm si lenjistis-tala toujou la, ki manniè Labib-la endé Rafika ?
Lèspwa Labib-la ka ba adan an divini pli méyè, pé endé nou kont dékourajman épi endé nou janbé difikilté. Li Pwovèb 17:22 épi Women 12:12, épi diskité sé kèsion-tala :
-
Ès ou ka pansé mésaj Labib-la sé pé té rann lavi’w pli méyè dépi atjèlman ? Poutji ?
NI MOUN KA DI : « Pwonmès Labib-la, sa two bèl pou sa vré. »
-
Dapré’w, poutji sa potalan gadé wou menm si Labib-la ka di vré ?
SA’W APRANN
Labib-la ka pwonmèt, dèmen nou kèy biennéré poubon èk lèspérans-tala ka endé nou rété doubout douvan difikilté.
An ti viré gadé
-
Poutji nou bizwen lèspwa ?
-
Kisa Labib-la ka prévwè pou dèmen ?
-
Kouman mésaj lèspwa Labib-la pé rann lavi’w pli méyè dépi atjèlman ?
TIBREN PLIS ANKÒ
Li plis bagay asou lafòs lèspwa ka ba.
« L’espoir : où le trouver ? » (Réveillez-vous !, 22 avril 2004)
Gadé kouman lèspwa an lendèmen pli méyè pé endé moun ki ka soufè anba maladi ki pa ka djéri (maladi kwonik).
« Vivre avec une maladie chronique : la Bible est-elle utile ? » (awtik jw.org)
Toupandan ou ka gadé vidéwo-a, imajinen lavi’w épi lafanmi’w adan paradi-a Labib-la ka palé.
Li manniè lavi an moun ki té lé chanjé lèmonn chouboulé, lè i rivé konnèt pwonmès Labib-la pou dèmen.
« Je ne pense plus devoir changer le monde » (La Tour de Garde, 1ié juiyé 2013)
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
