LISON 04
Bondié sé ki moun ?
Sé pa jòdi-jou, moun ka adoré anlo bondié épi déyès. Men Labib ka palé di an Bondié ki « wo pasé lézòt bondié » (2 Kwonik 2:5). Bondié-tala sé ki moun ? É kisa ka fè i pli gran ki tout sé lézòt bondié-a moun ka adoré ? Adan lison-tala, ou kay wè ki manniè Bondié ka montré’w ki moun i yé adan Labib.
1. Ki non Bondié, é kisa ka montré nou i lé nou konnèt non’y ?
Adan Labib-la, Bondié ka prézanté kòy. I ka di : « Mwen sé Jéova, sé non mwen ki la » (li Izayi 42:5, 8). « Jéova », sé tradiksion kréyòl an mo ébré, é dapré moun ki èspésialis Labib, non-tala lé di « I ka fè divini ». Jéova lé nou konnèt non’y (Ègzòd 3:15). Kisa ka montré nou sa ? Adan Labib-la, i fè ékri non’y pasé 7 000 fwa ! a Jéova sé non « vré Bondié-a ki nan wotè sièl é ki anba asou latè » (Détéwonòm 4:39).
2. Kisa Labib ka aprann nou asou Jéova ?
Nonm ka adoré anpil bondié, men Labib ka di Jéova sé sèl vré Bondié-a. Poutji ? Ni an patjé rézon a sa. Jéova sé li yonn « ki Pli-Wo asou latè » (li Sòm 83:18). I « Tou-Puisan », sa lé di, i ni lafòs pou fè tousa i lé. Sé li ki « kréyé tout bagay » : linivè épi lavi asou latè (Révélasion 4:8, 11). É sé Jéova li yonn ki toujou ègzisté, épi ki kay toujou la (Sòm 90:2).
ANNOU PLI LWEN
Annou gadé ki diférans i ni ant tit Bondié ni épi non’y. Annou gadé tou, koumanniè Bondié révélé non’y épi poutji i fè’y.
3. Bondié ni anpil tit, men i ni an sèl non
Ki diférans ki ni ant tit an moun pé ni épi non’y ? Gadé VIDÉWO-a épi diskité kèsion-an ka vini an.
-
Ki diférans ki ni ant an tit kontèl senyè épi an non ?
Labib ka di moun ka adoré anpil bondié épi senyè. Li Sòm 136:1-3 épi diskité kèsion-tala :
-
Ki moun ki « Bondié-a ka dominé tout bondié » épi « Senyè-a ka dominé tout senyè » ?
4. Jéova lé ou konnèt non’y é ou sèvi’y
Kisa ka montré Jéova lé ou konnèt non’y ? Gadé VIDÉWO-a épi diskité kèsion-an ka vini an.
-
Ès ou ka pansé Jéova lé nou konnèt non’y ? Poutji ?
Jéova lé nou itilizé non’y. Li Women 10:13 épi diskité sé kèsion-tala :
-
Poutji sa enpòwtan sèvi non Bondié, Jéova ?
-
Ki manniè ou ka santi kòw lè an moun ka sonjé non’w épi sèvi’y ?
-
Dapré’w, sa Jéova ka risanti lè ou ka itilizé non’y ?
5. Jéova lé ou vini zanmi’y
Soten, an fanm ka sòti Kanbòdj, di ki, lè i aprann konnèt non Bondié, sa ba’y an lajwa wo pasé tout bagay. Gadé VIDÉWO-a épi diskité kèsion-an ki ka vini an.
-
Adan vidéwo-a, koumanniè Soten réaji lè i aprann non Bondié ?
Pou vini zanmi épi an moun fòk omwen konnèt non’y. Li Jak 4:8a épi diskité sé kèsion-tala :
-
Sa Jéova ka mandé’w fè ?
-
Poutji konnèt épi sèvi non Bondié pé endé’w vini zanmi’y ?
NI MOUN KA DI : « Manniè nou ka kriyé Bondié pa enpòwtan, pas an tout manniè sé an sèl Bondié ki ni. »
-
Ès ou ka kwè non Bondié sé Jéova ?
-
Koumanniè nou pé èsplitjé ki Bondié lé nou itilizé non’y ?
SA’W APRANN
Jéova, sé non sèl vré Bondié-a. I lé nou konnèt épi sèvi non’y pou nou vini zanmi’y.
An ti viré gadé
-
Ki diférans i ni ant Jéova épi tout lézòt bondié-a moun ka adoré ?
-
Pouki fòk itilizé non Bondié ?
-
Kisa ka pwouvé’w Jéova lé ou vini zanmi’y ?
TIBREN PLIS ANKÒ
Senk lidé ki ka ba nou lasirans Bondié ka ègzisté.
Poutji sa lojik kwè Bondié toujou ègzisté ?
Menm si nou pa sav koumanniè yo té ka pwononsé non Bondié okoumansman, poutji fòk nou itilizé’y kanmenm ?
Ès non nou ka ba Bondié enpòwtan ? Poutji nou pé di sé an sèl non i ni ?
a Pou plis enfòwmasion asou sinifikasion non Bondié épi poutji ni tradiktè ki tiré’y adan Labib, gadé apendis A4 adan La Bible. Traduction du monde nouveau.