LISON 06
Ki manniè lavi koumansé ?
Bondié « sé lasous lavi » (Sòm 36:9). Ou ka kwè sa ? Ni moun ka di lavi-a rivé konsa, tou sèl. Si sé sa, sé aza ki fè nou la. Men, si sé Bondié ki kréyé lavi, lavi-a pou ni an sans a. Adan lison-tala, ou kay wè dapré Labib koté lavi sòti é poutji sa lojik kwè sa.
1. Ki manniè linivè parèt ?
Labib ka di : « Okoumansman, Bondié kréyé sièl épi tè » (Jénèz 1:1). Près tout siantifik dakò pou di linivè ni an koumansman. Alò kouman Bondié kréyé linivè ? I sèvi « lafòs annaksion »’y, kivédi lèspri sen’y, pou fè tousa ka ègzisté adan linivè : galaksi, zétwèl, planèt, ètsétéra. (Jénèz 1:2).
2. Poutji Bondié kréyé latè ?
Jéova ‘pa kréyé latè pou ayen, men i fè’y pou nou rété anlè’y’ (Izayi 45:18). I fè planèt-nou an pou moun viv alèz kòyo é pou toujou (li Izayi 40:28 épi 42:5). Lasians ka aprann nou latè vréman èspésial, pa ni dòt kon’y. Sé li sèl ki ni tousa ki fo pou nonm viv anlè’y.
3. Ki diférans i ni ant nonm épi zannimo ?
Lè i fini fè latè, Jéova plen’y plant èk zannimo. Apré, i ‘mété kòy ka kréyé lòm pòtré’y’ (li Jénèz 1:27). Kisa ka fè lòm pa kon piès dòt kréyati asou latè ? Sé paskè nou sé pòtré Bondié, sa lé di nou pé imité kalité’y, kontèl lanmou épi lajistis. Bondié fè nou an manniè pou nou pé sa aprann lang, aprésié travay artis épi lanmizik. É nou pé adoré Kréyatè-nou, sa zannimo pé pa fè.
ANNOU PLI LWEN
Annou gadé poutji nou pé di lavi sé an kréyasion é poutji nou pé kwè sa Labib ka di asou sa. Annou jété an zié osi asou sa nou pé aprann di Bondié gras a kalité nonm ni.
4. Sé an moun ki kréyé lavi
Lè an moun ka imité an bagay i wè adan lanati, sé li ka trapé an woulo bravo. Men, ès sé pa moun-lan menm ki kréyé bagay-la yo imité, ki mérité félisité ? Gadé VIDÉWO-a épi diskité kèsion-an ka vini an.
-
Kisa nonm kopié adan lanati ?
Pou fè an kay, fòk an moun fè plan-an épi konstwi’y. Men ki moun ki konsivrè épi konstwi sa nou ka wè adan lanati ? Li Ébré 3:4 épi diskité sé kèsion-tala :
-
Kisa ka kité’w ababa lè’w ka gadé lanati ?
-
Ès sa lojik kwè sé an moun ki kréyé linivè épi tousa ki andidan’y ? Poutji ?
Ès ou té sav sa ?
Anlè jw.org, ou pé touvé awtik épi vidéwo asou sijé-tala adan sé gwoup awtik-la « Évolution ou conception ? » épi « Points de vue sur l’origine de la vie ».
« Chak kay ou wè sé an moun ki konstwi’y, men li yonn ki konstwi tout bagay sé Bondié. »
5. Nou pé kwè sa Labib ka di asou lakréyasion
An Jénèz chapit 1, Labib-la ka aprann nou koté latè épi lavi sòti. Ès nou pé kwè sa, oben ès sé an kont toubannman ? Gadé VIDÉWO-a épi diskité sé kèsion-an ka vini an.
-
Ès Labib ka di latè épi lavi fèt an 6 jou 24 è ?
-
Ès ou ka pansé sa lojik kwè sa Labib ka di asou lakréyasion ? Poutji ?
Li Jénèz 1:1 épi diskité kèsion-tala :
-
Siantifik dakò pou di linivè ni an koumansman. Ès sa yo ka di annakò épi sa ou fini li adan Labib-la ?
Yonn-dé ka mandé kòyo, ès Bondié sèvi lévolision pou kréyé lavi. Li Jénèz 1:21, 25, 27 épi diskité sé kèsion-tala :
-
Ès Labib ka ansénié ki Bondié sèvi lévolision pou kréyé pwason, zannimo épi lòm ? Oben ès i kréyé chak « lèspès » ?
6. Pa ni dòt kréyati kon lòm asou latè
Jéova fè nou diféran épi sé zannimo-a. Li Jénèz 1:26 épi diskité kèsion-tala :
-
Nou sa enmen épi ni konpasion. Davwé nou fèt pòtré Bondié, kisa sa ka aprann nou asou ki kalité modèl moun i yé ?
NI MOUN KA DI : « Lakréyasion adan Labib, sé an kont ki la. »
-
Sa’w ka di di sa ? Poutji ?
SA’W APRANN
Jéova kréyé linivè épi tout kalté modèl lavi.
An ti viré gadé
-
Kisa Labib ka di asou lorijin linivè ?
-
Ès Bondié sèvi lévolision pou kréyé tout modèl lèspès, ouben ès i kréyé yo tout li menm ?
-
Poutji lòm sé an bèl kréyati menm ?
TIBREN PLIS ANKÒ
Ègzanp ka pwouvé lanati ni an kréyatè.
« Qu’enseigne la nature ? » (Réveillez-vous !, sèptanm 2006)
Gadé ki manniè an papa ka èsplitjé ti-gason’y listwa lakréyasion adan Labib.
Ès lévolision annakò épi sa Labib ka di ?
« Dieu s’est-il servi de l’évolution pour créer les différentes formes de vie ? » (awtik jw.org)
Kisa sé fosil-la épi lèspérians sé siantifik-la fè ka aprann nou ? Ès lavi sé an kréyasion oben ès i vini konsa ?
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
