LISON 08
Ou pé vini zanmi Jéova
Jéova lé ou aprann konnèt li. Poutji ? Pas i ka èspéré pli ou aprann bagay anlè karaktè’y, manniè fè’y épi pwojé’y, pli ou ké anvi vini zanmi’y. Men ès nou pé vini zanmi Bondié poubon ? (li Sòm 25:14). Ki manniè ou pé vini zanmi épi’y ? Labib-la ka réponn sé kèsion-tala, é i ka èsplitjé nou poutji lanmitié épi Jéova sé pli bèl lanmitié ki ni.
1. Ki envitasion Jéova ka fè’w ?
« Vini obò Bondié, é i ké vini obò zòt » (Jak 4:8). Sa sa lé di ? Jéova anvi ou vini zanmi’y. Ni moun ki pa ka rivé kwè yo pé vini zanmi Bondié pas yo pa ka wè’y. Men adan Pawòl-li, Labib, Jéova ka di nou tousa nou bizwen sav anlè’y pou nou ‘vini obò’y’. Jéova vwéyé an lèt ba nou, sé Labib, pli nou ka li’y, pli lanmitié nou épi’y kay solid, menm si nou pa ka wè’y.
2. Poutji Jéova sé méyè Zanmi ou pé ni ?
Pèsonn pé pa enmen’w plis ki Jéova. I lé ou ni tjè kontan, i lé ou mandé’y an pal ouben soukou chak lè ou ni bizwen. Ou pé ‘déchajé tout lentjétid-ou anlè’y, pas i lé otjipé di’w’ (1 Piè 5:7). Jéova toujou paré pou pòté, pou choyé épi pou kouté zanmi’y (li Sòm 94:18, 19).
3. Kisa pou fè pou vini zanmi Jéova ?
Jéova enmen tout moun, men « i an tjè-koko épi moun ki dwèt » (Pwovèb 3:32). Pou vini zanmi Bondié, fòk goumen pou fè sa ki bien an zié’y, épi mété asou koté sa ki mal an zié’y. I ni moun ki ni lenprésion yo pé ké janmen sa fè tousa Jéova ka mandé, kisiswa lè i ka mandé fè sa ki bien, ouben rijété sa ki mal. Men Jéova ka konprann nou. I ka vini zanmi épi tout moun ki enmen’y poubon é ki ka fè tousa yo pé pou fè’y plézi (Sòm 147:11 ; Akt 10:34, 35).
ANNOU PLI LWEN
Annou wè ki manniè nou pé vini zanmi Jéova é poutji Jéova sé méyè Zanmi nou pé ni.
4. Abraram té zanmi Jéova
Listwa Abraram adan Labib (yo kriyé osi Abram) ka aprann nou lanmitié épi Bondié sé kisa. Li Jénèz 12:1-4 épi diskité sé kèsion-tala :
-
Kisa Jéova mandé Abraram fè ?
-
Kisa Jéova pwonmèt li ?
-
Ki manniè Abraram réyaji lè Jéova ba’y lòd pou suiv ?
5. Sa Jéova ka atann di zanmi’y
Sa nòwmal ou atann zanmi’w fè bagay ba’w.
-
Kisa ou enmen zanmi’w fè ba’w ?
Li 1 Jan 5:3 épi diskité kèsion-tala :
-
Kisa Jéova ka atann di zanmi’y ?
Pou obéyi Jéova, pétèt nou kay ni pou chanjé konduit-nou ouben yonn-dé vié mès an manniè-nou. Li Izayi 48:17, 18 épi diskité kèsion-tala :
-
Poutji Jéova ka mandé zanmi’y obéyi ?
An zanmi ka ba nou konsèy pou bien-nou épi pou pwotéjé nou. Jéova ka fè menm bagay-la épi zanmi’y.
6. Sa Jéova paré fè pou zanmi’y
Jéova ka endé zanmi’y rézoud pwoblèm-yo. Gadé VIDÉWO-a épi diskité kèsion-an ka vini an.
-
Koumanniè Jéova endé jenn fanm vidéwo-a lité kont vié lidé’y épi vié santiman’y ?
Li Izayi 41:10, 13 épi diskité sé kèsion-tala :
-
Kisa Jéova pwonmèt i kay fè ba tout zanmi’y ?
-
Ès ou ka pansé Jéova pé vini an bon zanmi ba’w ? Poutji ?
Bon zanmi-nou la lè nou ni pwoblèm. Jéova kéy la ba’w tou.
7. Pou vini zanmi Jéova, fòk palé ba’y épi kouté’y
Lè dé zanmi ka pran tan palé, lanmitié-yo ka vini pli fò. Li Sòm 86:6, 11 épi diskité sé kèsion-tala :
-
Ki manniè nou pé palé ba Jéova ?
-
Ki manniè Jéova ka palé ba nou ?
Nou ka palé ba Jéova épi lapriyè ; i ka palé ba nou épi Labib.
NI MOUN KA DI : « Sa pa posib vini zanmi Bondié. »
-
Ki vèsé ou té ké sèvi pou montré nou pé vini zanmi Jéova ?
SA’W APRANN
Jéova lé ou vini zanmi’y é i kay endé’w rivé fè sa.
An ti viré gadé
-
Koumanniè Jéova ka endé zanmi’y ?
-
Poutji Jéova ka mandé zanmi’y obéyi ?
-
Ès ou ka pansé Jéova ka mandé zanmi’y twòp bagay ? Poutji ?
TIBREN PLIS ANKÒ
Sa lanmitié épi Jéova pé pòté ba’w.
« Jéhovah : un Dieu qui mérite d’être connu » (La Tour de Garde, 15 févriyé 2003)
Ki manniè nou pé konstwi an lanmitié épi Bondié ?
An fanm asiré, sé lanmitié’y épi Bondié ki sové’y.
Jenn ka palé di lanmitié-yo épi Jéova.
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
