LISON 18
Koumanniè rikonnèt sé vré krétjen-an ?
Milia moun ka déklaré yo krétjen. Men yo tout pa ni menm kwayans ni menm moralité. Alò, ki manniè rikonnèt sé vré krétjen-an ?
1. An krétjen sé kisa ?
Sé krétjen-an sé disip Jézikri (li Akt 11:26). Koumanniè yo ka montré yo ka suiv Jézi ? Jézi di : « Si zòt ka rété kolé anlè pawòl-mwen, zòt sé disip-mwen menm » (Jan 8:31). Sa lé di sé vré krétjen-an ka obéyi lansèyman Jézi. Jézi toujou ansénié sa Labib ka di, sé pou sa fondas kwayans sé vré krétjen-an sé Labib (li Lik 24:27).
2. Koumanniè sé vré krétjen-an ka montré yonn enmen lòt ?
Jézi di sé disip-li a : « Ni lanmou yonn pou lòt, menm manniè man té enmen zòt » (Jan 15:12). Koumanniè Jézi montré i enmen sé disip-li a ? Sé lè i ba yo adan tan’y, i ankourajé yo èk i endé yo. I jik asèpté mò ba yo (1 Jan 3:16). Menm manniè-a, sé vré krétjen-an pa ka jiskont palè di lanmou. Kivédi ou ka wè lanmou yo ni yonn pou lòt adan pawòl-yo épi aksion-yo.
3. Ki aktivité sé vré krétjen-an ka fè ?
Jézi ba sé disip-li a an mision. « I vréyé yo préché wayòm Bondié » (Lik 9:2). Sé prèmié krétjen-an pa té ka préché sèlman koté yo té ni labitid adoré Bondié, yo té ka préché tou kay-an-kay épi toupatou i té ni moun. (li Akt 5:42 épi 17:17). Jòdi-a tou, sé vré krétjen-an ka préché vérité Labib-la toupatou. Kon yo enmen tout moun, yo kontan sèvi tan-yo épi lafòs-yo pou fè konnèt lèspwa épi rékonfò Labib ka pòté. (Mak 12:31).
ANNOU PLI LWEN
Annou wè koumanniè ou pé fè diférans-lan ant sé vré krétjen-an èk sa ki pa ka suiv lansèyman épi lèkzanp Jézi.
4. Yo ka chèché lavérité adan Labib
Sé pa tout krétjen ki ka ba sé vérité Labib-la tout valè-yo. Gadé VIDÉWO-a épi diskité kèsion-an ka vini an.
-
Kisa Légliz, swadizan krétjen, fè pou anpéché moun aprann sa Jézi ansénié ?
Jézi ansénié vérité ki adan Pawòl Bondié. Li Jan 18:37 épi diskité kèsion-tala :
-
Dapré Jézi, ki manniè nou pé rikonnèt sé krétjen-an « ki pou lavérité » ?
5. Yo ka préché vérité ki adan Labib
Avan i viré an sièl-la, Jézi ba sé disip-li a an mision ki ka kontinié jòdi-a ankò. Li Matié 28:19, 20 épi Akt 1:8, épi diskité kèsion-tala :
-
Konbien tan épi koté travay prédikasion-an té pou fèt ?
6. Yo ka pratitjé sa yo ka préché
Kisa ki konvenk an nonm yo ka kriyé Tom, i touvé sé vré krétjen-an ? Gadé VIDÉWO-a épi diskité sé kèsion-an ka vini an.
-
Kisa ki fè Tom rijété larilijion ?
-
Poutji i asiré i touvé lavérité ?
Aksion ka konté plis ki pawòl. Li Matié 7:21 épi diskité kèsion-tala :
-
Kisa ki pli enpòwtan ba Jézi : pawòl an bouch ouben sa nou ka fè ?
7. Yonn enmen lòt
Ès i ni krétjen ki ja mété lavi-yo an danjé pou moun ki menm rèlijion ki yo ? Gadé VIDÉWO-a épi diskité sé kèsion-an ka vini an.
-
Poutji Lloyd té paré ba lavi’y ba frè Johansson ?
-
Ès zòt ka pansé i aji kon an vré krétjen ?
Li Jan 13:34, 35 épi diskité sé kèsion-tala :
-
Koumanniè disip Jézi (sé vré krétjen-an) ka konsidéré moun an lòt ras ouben an lòt péyi ?
-
Lè i ni an ladjè, koumanniè sé vré krétjen-an ka fè épi yo ?
NI MOUN KA DI : « Sé krétjen-an fè dé bagay ki lèd menm, ki manniè ou pé di mwen, sé vré rèlijion-an ki la ? »
-
Ki vèsé ou pé li ba an moun pou montré’y manniè i pé rikonnèt sé vré krétjen-an ?
SA’W APRANN
Sé vré krétjen-an ka suiv lansèyman Labib-la, yonn enmen lòt poubon é yo ka préché sé vérité Labib-la.
An ti viré gadé
-
Ki fondas kwayans sé vré krétjen-an ?
-
Ki kalité nou ka touvé lakay sé vré krétjen-an ?
-
Ki aktivité sé vré krétjen-an ka fè ?
TIBREN PLIS ANKÒ
An rilijion ka fè éfò pou suiv lègzanp èk lansèyman Jézi.
Ki manniè an madanm ki té masè touvé sa i kriyé « an vré fanmi èspiritièl » ?
Koumanniè sé vré krétjen-an ka montré lanmou ba frè é sè-yo ki bizwen soukou ?
Jézi ba enfòwmasion ki té kay pèwmèt nou rikonnèt sé disip-li a. Koumanniè sé prèmié krétjen-an épi ta jòdi-a ka fè sa i mandé ?
« À quoi se reconnaît le christianisme authentique ? » (La Tour de Garde, 1ié maws 2012)