LISON 26
Lasoufwans épi lèmal poutji sa ka èkzisté ?
« Poutji ? » Lè an malè ka rivé sé an kèsion anpil moun ka pozé kòyo. Men érèzman ba nou, Labib ka ba an répons klè asou kèsion-tala.
1. Ki manniè lèmal rantré an monn-lan ?
Satan ribélé kòy kont Bondié. Pas i té lé koumandé, i enfliyansé sé prèmié nonm-lan pou yo osi, yo ribélé kòyo. Pou i rivé fè sa, i palé pawòl pou ayen ba Èv (Jénèz 3:1-5). I fè’y kwè Jéova pa té lé i ni an bon bagay. I prétann nonm té kay viv pli bien si yo pa té ka obéyi Bondié. Satan di prèmié mansonj-lan, lè i fè Èv kwè i pa té kèy mò. Sé pou sa Labib-la ka kriyé Satan « an mantè é papa mansonj-lan » (Jan 8:44).
2. Kisa Adan épi Èv chwézi fè ?
Jéova té donan toubannman épi Adan é Èv. I té ba yo lapèmision manjé fwi tout piébwa ki té adan jaden Lédenn, sòf yonn (Jénèz 2:15-17). Men yo désidé manjé fwi piébwa-tala kanmenm. Èv « pran an fwi épi i manjé’y ». Apré sa, Adan li osi, « manjé » fwi-a (Jénèz 3:6). Adan é Èv té pawfé, kidonk sa té natirèl ba yo fè sa ki té bien. Men lè yo chwézi dézobéyi, yo péché épi yo montré Bondié yo té ka rifizé i dirijé yo. Chwa-tala fè yo soufè anpil (Jénèz 3:16-19).
3. Ki éfé chwa-tala ni anlè nou ?
Pas Adan é Èv té péché, tout désandans-yo éritié péché-a tou. Mi sa Labib ka di asou Adan : « Sé konsa pou lapéti an sèl nonm, péché vini antré an monn-lan é palakòz péché-a lanmò antré, épi lanmò anni simen asou nonm pas yo tout té péché » (Women 5:12).
Ni divès bagay ka fè nou soufè. Délè, sé pas nou menm oben an lòt moun fè an mové chwa, oben ankò paskè nou ritouvé kònou an mové koté an mové moman (li Éklézias 9:11).
ANNOU PLI LWEN
Annou gadé poutji sé pa Bondié ki rèsponsab lèmal épi lasoufwans ki ka fèt jòdi-a, é annou wè osi sa i ka risanti lè i ka wè nou soufè.
4. Ki moun ki rèsponsab soufwans-nou ?
Ni anpil moun ki ka kwè sé Bondié ki ka dirijé lèmonn, men ès sa vré ? Gadé VIDÉWO-a.
Li Jak 1:13 épi 1 Jan 5:19, épi diskité kèsion-tala :
-
Ès sé Bondié ki rèsponsab lèmal épi lasoufwans ?
5. Dépi Satan koumansé dirijé, kisa ki ka pasé ?
Li Jénèz 3:1-6 épi diskité sé kèsion-tala :
-
Satan manti, kisa i di ? (gadé vèsé 4 épi 5).
-
Ki manniè Satan prétann Jéova pa té lé lézòm ni an bagay ki bon ?
-
Dapré Satan, ès lézòm bizwen dirèksion Jéova pou yo viv bien ?
Li Éklézias 8:9 épi diskité kèsion-tala :
-
Kisa ka pasé adan monn-lan dépi sé pa Jéova ki ka dirijé’y ?
-
Adan épi Èv té pawfé é yo té ka viv adan an paradi. Men yo kouté Satan é yo ribélé kont Jéova.
-
Apré yo dézobéyi, péché, soufwans épi lanmò simen adan monn-lan.
-
Jéova kèy détwi ki péché, ki soufwans, ki lanmò. É anfen, nonm kay pawfé épi yo kay viv adan paradi-a.
6. Jéova tris lè nou ka soufè
Ès sa ka fè Bondié an bagay lè nou ka soufè ? Annou li sa wa David épi lapòt Piè ékri. Li Sòm 31:7 épi 1 Piè 5:7, épi diskité kèsion-tala :
-
Ki manniè ou ka santi kòw lè ou ka sonjé Bondié ka wè soufwans-nou épi i entjèt ba nou ?
7. Bondié kèy bout soufwans lézòm
Li Izayi 65:17 épi Révélasion 21:3, 4, épi diskité kèsion-tala :
-
Jéova kèy fè disparèt tout tras malè nou za trapé. Poutji sa ka dousinen tjè-nou sav sa ?
Ès ou té sav sa ?
Lè Satan manti pou prèmié fwa, i sali répitasion Jéova. I fè moun kwè mové bagay anlè Jéova, lè i di Jéova pa ka dirijé an manniè ki jis épi i pa enmen lézòm. Jéova kay montré pa ni pli bon dirijan ki’y, lè i kay fè tout soufwans pran lavòl talè. Jistifikasion non Jéova sé an késion ki pòtalan menm (Matié 6:9, 10).
NI MOUN KA DI : « Lasoufwans sé an manniè Bondié ka sèvi pou tèsté lafwa-nou. »
-
Sa’w té ké réponn ?
SA’W APRANN
Satan Djab-la épi Adan èk Èv sé yo ki pli gwo rèsponsab malè-nou. Jéova ni anpil lentéré ba nou é talè i kèy fè tout soufwans-nou disparèt.
An ti viré gadé
-
Satan Djab-la manti ba Èv, kisa i di’y ?
-
Ribélion Adan é Èv, ki éfé sa ni anlè nou jòdi ?
-
Koumanniè nou sav Jéova tris lè nou ka soufè ?
TIBREN PLIS ANKÒ
Silon Labib, péché-a sé kisa ?
Titak plis enfòmasion asou kèsion-an Satan Djab-la pozé adan jaden Lédenn.
« Pourquoi Dieu permet-il les souffrances ? » (La Tour de Garde, 1ié janvié 2014)
An kèsion difisil ka touvé répons ankourajan.
« Pourquoi la Shoah a-t-elle eu lieu ? Pourquoi Dieu n’a-t-il rien fait ? » (awtik jw.org)
Listwa an nonm ki aprann poutji lavi’y té sitèlman difisil.
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
