LISON 34
Koumanniè nou pé montré nou enmen Jéova ?
Ès ou ka santi ou pli pré Bondié dépi ou ka étidié Labib ? Ès ou lé kontinié rann lanmitié’w épi’y pli fò ? Alò sonjé, plis Jéova ké wè lanmou ou ni ba’y grandi, sé plis i ké enmen’w épi sé plis i ké otjipé di’w. Koumanniè ou pé montré ou enmen’y ?
1. Koumanniè nou ka montré Jéova nou enmen’y ?
Nou ka montré nou enmen Jéova lè nou ka obéyi’y (li 1 Jan 5:3). Jéova pa ka fòsé pèsonn kouté’y ; i ka kité chak moun désidé sa i lé fè. Poutoudi, pou fè’y plézi, fòk « obéyi [...] épi tjè-zòt » (Women 6:17). Nou ka konprann, ki Jéova pa lé nou obéyi pas nou oblijé, men pas nou enmen’y. Mòso 3 épi 4 liv-tala kèy endé’w montré Jéova ou enmen’y lè’w ka fè sa ki ka fè’y plézi épi lè’w ka rifizé fè sa ki pa ka fè’y plézi.
2. Poutji sa pé difisil montré Jéova nou enmen’y ?
« Sé pa ti léprèv an moun ki jis ka jwenn » (Sòm 34:19). Nou tout ka goumen kont péché-a. Anplis di sa, nou ka jwenn pwoblèm lajan, lenjistis oben dòt pwoblèm. Palakòz tout sé pwoblèm-tala, sa pa toujou fasil fè sa Jéova ka atann di nou, é délè, pa obéyi Jéova ka parèt chimen ki pli fasil pou pran. Men magré tousa, si ou ka obéyi Jéova kanmenm, ou ké montré’y ki lanmou-a ou ni ba’y pli fò ki tout bagay. É sé konsa ou ké montré’y fidélité’w. A moman-tala, Jéova li menm ké fidèl épi’w. I pé ké jen abandonnen’w (li Sòm 4:3).
ANNOU PLI LWEN
Annou wè poutji obéyisans-nou si-tèlman enpòwtan ba Jéova, épi annou palé di sa ki pé endé nou rété fidèl.
3. Satan ka akizé’w
Liv Jòb-la ka aprann-nou ki Satan pa akizé sèlman Jòb, men osi tout moun ki lé sèvi Jéova. Li Jòb 1:1, 6 – 2:10 épi diskité sé késion-tala :
-
Dapré Satan, pou ki rézon Jòb té ka obéyi Jéova ? (gadé Jòb 1:9-11).
-
Di kisa Satan akizé tout moun anlè latè, menm wou ? (gadé Jòb 2:4).
Li Jòb 27:5b épi diskité kèsion-tala :
-
Ki prèv Jòb ba, ki montré i té vréman enmen Jéova ?
Jòb montré i té enmen Jéova lè i rété fidèl.
Nou ké montré nou enmen Jéova si nou ka rété fidèl.
4. Ba Jéova tjè kontan
Li Pwovèb 27:11 épi diskité sé késion-tala :
-
Lè ou ka aji épi sajès épi ou ka obéyi, kisa Jéova ka risanti ? Poutji ?
5. Ou pé montré Jéova ou fidèl
Lanmou nou ni ba Jéova ka pousé nou palé di’y ba lézòt. Épi menm lè sa pa fasil, fidélité-nou ka pousé nou fè’y kanmenm. Gadé VIDÉWO-a épi diskité sé kèsion-an ka vini an.
-
Ès délè sa difisil ba’w palé di Jéova ba lézòt ?
-
Kisa ki endé Grayson pa pè ankò ?
Sa ké pli fasil rété fidèl a Jéova si nou enmen sa i enmen épi rayi sa i rayi. Li Sòm 97:10 épi diskité sé késion-tala :
-
Ès ou pé ba yonn-dé bagay Jéova enmen ? Ès ou pé ba yonn-dé bagay Jéova rayi ?
-
Ki manniè ou pé aprann enmen sa ki bien épi rayi sa ki mal ?
6. Obéyi Jéova bon ba’w
Obéyi Jéova tout lè, sé pli bon bagay ou sé pé fè. Li Izayi 48:17, 18 épi diskité sé késion-tala :
-
Ès nou pé sèten Jéova toujou sav sa ki pli bon ba nou ? Poutji ?
-
Dépi ou koumansé étidié Labib épi aprann konnèt vré Bondié-a, Jéova, ki bon bagay sa pòté ba’w ?
NI MOUN KA DI : « Bondié pa ka entérésé kòy a sa man ka fè. »
-
Ki vèsé ou pé sèvi, pou montré ki chwa ou ka fè, pé fè Jéova plézi ouben mété dlo an zié’y ?
SA’W APRANN
Ou pé montré ou enmen Jéova lè ou ka obéyi’y épi lè ou ka rété fidèl magré pwoblèm ou ka jwenn.
An ti viré gadé
-
Kisa lègzanp Jòb aprann ou ?
-
Koumanniè ou pé ba Jéova lasirans ou enmen’y ?
-
Kisa ki ké endé’w rété fidèl a Jéova ?
TIBREN PLIS ANKÒ
Ki manniè nou pé montré fidélité-nou ba Jéova épi ba sanblé-a ?
Satan akizé tout moun. Mi plis détay asou sa i di.
« L’intégrité de Job » (La Bible : quel est son message ?, mòso 6)
Koumanniè sé timanmay-la yo menm pé montré yo enmen Jéova ?
Koumanniè an jenn pé rété fidèl a Bondié menm si dòt moun ka fè présion anlè’y ?
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
