LISON 36
Fòk nou onnèt adan tout sitiyasion
Nou enmen lè zanmi-nou onnèt épi nou. Jéova lé zanmi’y onnèt épi’y tou. Men sa pa fasil onnèt adan an monn oti anlo moun pa onnèt. Ki bénéfis i ni di onnèt adan tout sitiyasion ?
1. Ki prèmié rézon nou ni di onnèt ?
Lè nou onnèt, nou ka montré Jéova nou enmen’y épi nou ka rèspèkté’y. Nou pa lé oubliyé Jéova ka wè tousa nou ka pansé épi tousa nou ka fè (Ébré 4:13). Lè nou désidé onnèt, i ka wè sa épi i ka kontan. Pawòl-li ka di : « Jéova rayi an moun ki ni pliziè chimen, men i an tjè-koko épi moun ki dwèt » (Pwovèb 3:32).
2. Koumanniè nou pé onnèt adan lavi-nou touléjou ?
Jéova ka di : « Fòk zòt di lavérité yonn ba lòt » (Zakari 8:16, 17). Sa sa lé di ? Lè nou ka palé épi lafanmi-nou, kolèg-nou, frè é sè-nou ouben sé lotorité-a, nou pa ka manti é nou pa ka ba enfòwmasion ki pa vré. An moun ki onnèt pa ka ni volè ni twonpé moun (li Pwovèb 24:28 épi Éfézien 4:28). É i ka ba Léta tousa i dwé’y (Women 13:5-7). Poutoudi, « nou lé ni an bon konduit adan tou sa nou ka fè » (Ébré 13:18).
3. Ki bénéfis nou ni lè nou onnèt ?
Si yo konnèt nou kon an moun ki onnèt, lézòt kèy fè nou konfians. Konsa nou ka endé tout moun santi kòyo an sékirité adan sanblé-a kon adan an fanmi éti tout moun enmen kòyo. Anplis, nou ni an konsians ki pwòp. Onnètté-nou pé osi « rann pli bèl lansèyman Bondié », é i pé ba moun ki pa ka fè pati lasanblé-a lanvi pratitjé, yo tou, vré ladorasion-an (Tit 2:10).
ANNOU PLI LWEN
Annou palé di éfé lonnètté-nou asou Jéova é asou nou menm, épi annou gadé koumanniè nou pé montré nou onnèt adan diféran sitiyasion.
4. Lonnètté ka fè Jéova plézi
Li Sòm 44:21 épi Malaki 3:16, épi diskité sé kèsion-tala :
-
Dapré’w, poutji sa pa bon kwè ou pé séré lavérité ?
-
Dapré’w, kisa Jéova ka risanti lè ou ka désidé di lavérité menm lè sa pa fasil ?
Lè an tjanmay ka di lavérité, i ka fè paran’y plézi. Lè nou ka di lavérité, nou ka fè Jéova plézi.
5. Fòk nou onnèt toulong
Anlo moun ka pansé débouya pa péché, si yo onnèt yo kèy pèd an bénéfis. Men annou wè poutji nou dwé onnèt toulong. Gadé VIDÉWO-a.
Li Ébré 13:18 épi diskité asou manniè ou pé onnèt...
-
épi fanmi’w,
-
adan travay-ou ouben lékòl,
-
adan dòt sitiyasion.
6. Lonnètté égal bénéfis
Ou pé ni lenprésion, ki si ou onnèt, sé plis pwoblèm ou kay ni. Men anfinaldikont, sé méyè bagay ou pé fè. Li Sòm 34:12-16 épi diskité kèsion-tala :
-
Ki manniè lonnètté’w ka rann lavi’w pli bèl ?
-
Lonnètté ka rann mariaj an mari épi madanm-li pli solid.
-
Lonnètté ka fè an patwon ni konfians adan anplwayé’y.
-
Lonnètté ka fè an sitwayen ni an bon répitasion douvan lé zotorité.
NI MOUN KA DI : « Si pèsonn pa sav ou manti, sa pa bien grav. »
-
Silon ou, poutji Jéova rayi tout mansonj ?
SA’W APRANN
Jéova lé zanmi’y onnèt adan tousa yo ka di épi tousa yo ka fè.
An ti viré gadé
-
Adan ki diféran sitiyasion ou pé montré ou onnèt ?
-
Poutji sa pa bon kwè nou pé séré lavérité ?
-
Poutji ou lé onnèt toulong ?
TIBREN PLIS ANKÒ
Ki manniè lé paran pé aprann timanmay-yo lonnètté ?
Ki bénéfis i ni tjenn pawòl-ou ?
Gadé poutji fòk nou péyé lenpo-nou, menm si ba nou, yo ka mal sèvi lajan-an.
« Faut-il payer ses impôts ? » (La Tour de Garde, 1ié sèptanm 2011)
Kisa ki pousé an nonm malonnèt vini onnèt ?
« J’ai découvert la miséricorde et le pardon de Jéhovah » (La Tour de Garde, 1ié mé 2015)
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
