San-an enpòwtan. Si an moun pa ni san andidan kò’y, i pé pa viv. Sé Bondié ki kréyé nou, kidonk sé li ki ni dwa di nou ki manniè pou sèvi san-an. Kisa i ka di asou san-an ? Ès nou pé manjé’y oben pran’y pa venn ? É koumanniè pran dé bon désizion asou sa ?

1. Kisa Jéova ka di anlè san-an ?

A lépòk yo matjé Labib, Jéova di sé adoratè’y la : « Lavi tout modèl lachè sé san’y » (Lévitik 17:14). Ba Jéova, san-an ka riprézanté lavi. É lavi-a sakré pas sé an kado Bondié. Kidonk san-an sakré tou.

2. Silon Bondié, koumanniè fòk pa sèvi san-an ?

Titak tan apré Délij-la, Jéova mandé adoratè’y pa manjé san-an (li Jénèz 9:4 épi Lévitik 17:10). I viré ba sé krétjen-an koumandman-tala lè komité santral-la mandé yo « pa sèvi san » (li Akt 15:28, 29).

Sa sa lé di pa sèvi san ? Si an dòktè ka mandé’w pa pran alkòl, ou pè ké bwè. Men ès ou ké manjé an manjé ki ni alkòl oben pran’y pa venn ? Piès pa. Menm manniè-a, lè Bondié ka mandé nou pa pran san, sa lé di fo pa nou bwè’y, fo pa manjé viann an bèt yo pa senyen oben manjé an bagay yo mété san andidan’y.

Kisa nou pé di asou manniè lamèdsin ka sèvi san-an ? Yonn-dé trètman pa ka alé an sans lwa Bondié piès toubannman. Nou ka palé sitou transfizion tout san-an oben yonn adan sé matiè prensipal-li (composants principaux) : globil wouj, globil blan, plakèt épi plasma. Men pou dòt trètman lamèdsin, sa pa fasil sav si trètman-an kont lwa Jéova oben non. Kontèl, trètman ki ka sèvi konpozan (fractions) sé matiè prensipal san-an, é tèknik lamèdsin ki ka sèvi pwòp san pasian-an. Adan sé sitiyasion-tala, sé chak moun ki pou désidé sa i ké fè a (Galat 6:5).

 ANNOU PLI LWEN

3. Pran désizion ki ka fè Jéova plézi adan domenn lamèdsin

Kouman pou pran bon désizion annakò épi sa Bondié ka di asou san-an ? Gadé VIDÉWO-a épi diskité asou lenpòwtans aplitjé konsèy ki ka vini apré.

• Prédié pou trapé sajès (Jak 1:5).

• Chèché prensip biblik ki ka alé épi sa’w ka viv (Pwovèb 13:16).

• Chèché enfòwmasion asou trètman ki ka ègzisté, la ou ka rété a.

• Bien gadé ki trètman ki pa bon menm ba’w.

• Asiré kòw pran an désizion ki pé ké jennen konsians-ou b (Akt 24:16).

• Sonjé—pa menm konjwen’w, an ansien oben ansénian Labib-ou—pèsonn pa ni dwa di’w ki désizion pou’w pran adan domenn lakonsians (Women 14:12).

• Matjé sa’w désidé.

4. Témwen Jéova ka chèché méyè swen ki ni

Nou pé obéyi lwa Bondié asou san-an é trapé méyè swen ki ni. Gadé VIDÉWO-a.

Li Tit 3:2 épi diskité kèsion-tala :

• Poutji fòk nou antann kònou épi rété janti épi pwofésionnèl lasanté ?

  5. Sé konpozan san-an

Adan san-an, ni 4 matiè prensipal : globil wouj, globil blan, plakèt épi plasma. Adan sé matiè-tala, i ni matiè pli piti yo ka kriyé « konpozan san-an c ». Yo ka sèvi yonn-dé konpozan pou goumen kont maladi oben frennen san ka koulé.

An rapò épi konpozan san-an, sé chak krétjen ki pou pran pwòp désizion’y. An désizion i ké apiyé asou konsians-li édiké épi Labib. I ni adan ki ké pétèt rifizé trètman oben tèknik lamèdsin ki ka sèvi yonn oben pliziè konpozan san-an, é dòt ké dakò pou sèvi konpozan san-an.

Avan ou pran an désizion pou sav si’w ka pran konpozan san-an oben si’w pa ka pran, mandé kòw :

• Poutji man ka rifizé pran yonn oben pliziè konpozan san-an é ki manniè man ké pé èsplitjé an dòktè sa ?

 SA’W APRANN

Jéova pa lé nou sèvi san-an mal.

An ti viré gadé

• Poutji san-an sakré pou Jéova ?

• Lè Bondié ka koumandé nou pa sèvi san, ki manniè nou sav sa ka aplitjé ba sé transfizion-an tou ?

• Kisa ki pé endé’w pran bon désizion lè ou ké sèvi san-an adan domenn lamèdsin ?