Nou enmen pasé bèl ti moman épi zanmi-nou, é nou sav nou pé apiyé anlè yo lè sa pa ka djè alé. Labib ka palé di lanmitié. I ka ankourajé nou bien chwazi zanmi-nou. Annou gadé sa i ka mandé nou.

1. Poutji sa enpòwtan bien chwazi zanmi-nou ?

Plis nou ka pasé tan épi an moun, sé plis i pé détenn anlè nou pou fè sa ki bien ouben pou fè sa ki mal. Sé menm bagay-la, lè nou ka pasé tan épi moun anlè rézo sosio. Kon Bib-la ka di, « moun-lan ki ka maché kantékant épi moun saj, i ké vini saj, men moun-lan ki enmen rété épi moun sòt [kivédi moun ki pa enmen Jéova], malè ké rivé’y » (Pwovèb 13:20). Zanmi ki enmen Jéova pé endé nou rété kolé épi’y, épi pran bon désizion. Mé okontrè, zanmi ki pa ka adoré Jéova pé mennen nou lwen di’y. Kidonk, bien chwazi zanmi-nou enpòwtan toubannman ! Si zanmi-nou enmen Jéova, yo ké ni an bon lenfliyans anlè nou, é lanmitié-nou tou kay pòté bon bagay ba yo. Sé poutji Bib-la ka di, ‘kontinié ankourajé kòzòt épi endé kòzòt pou vini pli fò’ (1 Tésalonisien 5:11).

2. Poutji sa enpòwtan ba Jéova ki nou bien chwazi zanmi-nou ?

Jéova pa zanmi nenpòt ki moun. « I an tjè-koko épi moun ki dwèt » (Pwovèb 3:32). Kisa Jéova kèy risanti si nou ka chwazi kanmarad ki pa ka sèvi’y ? Asiré sa ké an gwo falfrèt ba’y (li Jak 4:4). Okontrè, i kèy fiè si nou ka fè pati di zanmi’y, i kèy kontan si nou pa ka pran men épi mové kanmarad ankò, é si nou vini toupré’y épi toupré sa ki enmen’y ! (Sòm 15:1-4).

 ANNOU PLI LWEN

4. An moun ki pa ka sanm nou piès pé vini zanmi-nou

Labib-la ka palé di bèl lanmitié-a David épi Jonatan té ni. Poutan, yonn adan yo té gadien mouton é lòt la sé té yich wa-a, yo pa té ni menm laj piès. Li 1 Samièl 18:1 épi diskité sé kèsion-tala :

• Ès zanmi-nou oblijé ni menm laj épi menm grad sosial ki nou ? Poutji ?

Li Women 1:11, 12 épi diskité kèsion-tala :

• Kouman 2 zanmi ki enmen Jéova ka ankourajé kòyo ?

Pou wè kouman an jenn frè vini zanmi an moun pli gran ki’y, gadé VIDÉWO-a. Apré diskité sé kèsion-an ka vini an.

• Poutji paran Akil té entjèt ?

• Poutji i chèché fè kanmarad épi yonn-dé jenn lékòl-li ?

• Kisa i fè pou i pa santi kòy tousèl ankò ?

 5. Manniè ou pé touvé vré zanmi

 SA’W APRANN

Si ou ka bien chwazi zanmi’w, ou ké trapé anlo jwa é Jéova kèy kontan’w.

An ti viré gadé

• Poutji sa enpòwtan ba Jéova ki nou bien chwazi zanmi-nou ?

• Ki lanmitié pé mété nou an bétiz ?

• Koumanniè ou pé touvé vré zanmi ?