LISON 60
Kontinié pwogrésé
Épi létid biblik-tala ou aprann an patjé bagay anlè Jéova. É asiré-pa-pétèt, lanmou ou ni ba’y vini sitèlman fò, ou fè an lapriyè pou ba’y lavi’w é pou pran batenm. Si ou pòkò fè sa, ou dwèt ka sonjé fè’y adan pa lontan. Men pwogré ou ka fè pa ka bout jou batenm-lan. Avrédi, ou kay pé kontinié vini pli pré Jéova tout lavi’w. Ki manniè ?
1. Poutji ou pou kontinié rann lanmitié’w épi Jéova pli fò ?
Fòk nou kontinié fè éfò pou rann lanmitié-nou épi Jéova pli fò. Poutji ? « Pou nou pa jen dérivé olwen » (Ébré 2:1). Kisa ki ké endé nou rété fidèl a Jéova ? Sé rété bien otjipé adan prédikasion-an é chèché dòt manniè sèvi Bondié-nou ankò plis (li Filipien 3:16). Sèvi Jéova sé pli bèl manniè viv nou pé ni ! (Sòm 84:10).
2. Ki dòt bagay ou pou kontinié fè ankò ?
Létid Labib-ou ka bout, men atjèlman, ou ka koumansé an nouvo lavi, lavi an krétjen. Labib ka di : « abiyé kòzòt épi nouvo pèrsonalité-a » (Éfézien 4:23, 24). Si ou ka kontinié étidié Pawòl Bondié é vini réyinion, ou ké aprann nouvo bagay anlè Jéova épi asou kalité i ni. Chèché ki manniè imité ankò plimié pèrsonalité’y adan lavi’w. Pa sispann fè tout chanjman ki nésésè pou ba Jéova tjè kontan.
3. Koumanniè Jéova kèy ba’w an pal pou pwogrésé ?
Bib-la ka di : « [Sé] Bondié [...] li menm ki ké fini fòwmasion-zòt. I ké rann zòt solid, i ké rann zòt djòk, ayen pé ké fè zòt tranblé » (1 Piè 5:10). Nou tout ka jwenn tantasion. Men Jéova ka ba nou fòs-la nou ni bizwen pou tjenbé doubout douvan yo (Sòm 139:23, 24). I pwonmèt ba nou lanvi épi lafòs di sèvi’y épi fidélité (li Filipien 2:13).
ANNOU PLI LWEN
Gadé ki manniè ou pé kontinié pwogrésé épi ki manniè Jéova kèy béni’w.
4. Kontinié kozé épi pli bon Zanmi’w
Lapriyè épi létid Labib-la endé’w vini zanmi Jéova. Ki manniè lapriyè épi létid pé endé’w vini toujou pli pré di’y ?
Li Sòm 62:8 épi diskité kèsion-tala :
-
Ki manniè ou pé rann lapriyè’w pli méyè pou lanmitié’w épi Jéova vini toujou pli fò ?
Li Sòm 1:2 épi diskité kèsion-tala :
-
Ki manniè ou pé rann lèkti Labib-ou pli méyè pou lanmitié’w épi Jéova vini pli fò ?
Ki manniè ou pé rann pwòp létid Labib- ou pli agréyab ? Pou ou ni yonn-dé lidé, gadé VIDÉWO-a. Apré diskité sé kèsion-an ka vini an.
-
Kilès lidé ou pé aplitjé ?
-
Kilès sijé ou sé voudré étidié ?
5. Chèché ni òbjèktif èspiritièl
Lè ou ni òbjèktif sa ka endé’w kontinié pwogrésé. Gadé VIDÉWO-a épi diskité kèsion-an ka vini an.
-
Lè i chèché ni òbjèktif èspiritièl, kilès bienfè Cameron trapé ?
Tout moun pé pa alé préché adan an lòt péyi. Men nou tout la pé chèché ni òbjèktif ki rézonnab. Li Pwovèb 21:5 épi katjilé asou òbjèktif ou sé pé ni...
-
adan sanblé-a.
-
adan laprédikasion.
Ki manniè prensip-la ki adan vèsé-tala ké endé’w réyisi òbjèktif-ou ?
Ès ou pé ni pou òbjèktif...
-
amioré kalité lapriyè’w ?
-
li Labib tout antiè ?
-
aprann konnèt tout frè é sè lasanblé-a ?
-
koumansé épi mennen an létid Labib ?
-
vini pionié òksiliè oben pionié pèwmanan ?
-
travay kalité pou vini asistan si ou sé an frè ?
6. Viv an bèl lavi pou toujou !
Li Sòm 22:26 épi diskité kèsion-tala :
-
Kisa ou pé fè pou viv an bèl lavi dépi aprézan é pou toujou ?
SA’W APRANN
Kontinié rann lanmitié’w épi Jéova pli fò épi ni òbjèktif èspiritièl. Konsa, ou kèy pé viv an bèl lavi pou toujou !
An ti viré gadé
-
Poutji ou pé asiré sèten Jéova kèy endé’w sèvi’y épi fidélité ?
-
Ki manniè ou pé rann lanmitié’w épi Jéova pli fò ?
-
Ni òbjèktif èspiritièl ké endé’w pwogrésé. Poutji ?
TIBREN PLIS ANKÒ
Kisa ki ni plis valè ba Jéova : fè an bagay èstwòdinè, oben rété fidèl tout lavi-nou ?
Menm an sèvitè Jéova ki fidèl pé pèd lajwa’y. Kisa pou fè pou ritouvé’y ?
Ki manniè nou pé ni òbjèktif èspiritièl é réyisi yo ?
Sa ou pé fè pou vini an krétjen mi é poutji sa enpòwtan.