Pou pé sa bien pwofité létid Labib-ou...
Koumansé pa gadé yonn-dé lèsplikasion asou manniè sé lison-an prézanté, apré gadé VIDÉWO-a.
PRÈMIÉ MÒSO
Pou préparé an lison, li prèmié mòso-a. Kèsion ki an koulè (A) épi vèsé ki ékri an gra (B) ka montré lidé ki enpòwtan. Ni yonn-dé vèsé ki ni douvan yo : « li ».
DÉZIÈM MÒSO
Adan Annou pli lwen, sé prèmié fraz-la (C) ka èsplitjé sa lison-an kay palé, épi chak soutit (D) ka dévlopé an lidé enpòwtan. Li sé vèsé-a, réponn sé kèsion-an é gadé sé vidéwo-a épi ansénian’w.
Sé VIDÉWO-a la, pou endé’w konprann plimié sé lidé-a ki pli enpòwtan adan lison-an. Ni vidéwo ki ka rakonté lèspérians lavi moun, dòt sé ti-fim ka rakonté sitiyasion ki pé rivé.
Dékatiyé sé zimaj-la épi sé léjann-lan osi (E). Épi adan Ni moun ka di (F) éséyé réponn sé kèsion-an.
TWAZIÈM MÒSO
Sa’w aprann épi An ti viré gadé (G) ka rézimé lison-an. Matjé ki dat ou fini lison-an. Sa man pou fè (H) ka ba’w an lòbjèktif pou atenn. Tibren plis ankò (I) ka envité’w li ouben gadé dòt bagay anplis.
Kouman ou pé touvé an vèsé adan Labib ?
Adan Labib-la i ni 66 liv ki divizé an dé mòso : Lékriti an lang ébré épi araméyen (« Ansien Tèstaman ») épi Lékriti an lang grèk (« Nouvo Tèstaman »).
Sé endikasion-an ki ka vréyé’w adan Labib-la ka koumansé épi non liv Labib-la (A), apré ou ni chapit-la (B), épi yonn ouben pliziè vèsé (C).
Kontèl, pou Jan 17:3, fòk ou pran liv Jan, chapit 17, vèsé 3.
Tibren plis ankò
KÈSION KA RIVINI
Ki manniè an létid Labib ka pasé épi Témwen Jéova ?
Pandan létid Labib-la ou ka fè épi sé Témwen Jéova-a, ou pé sèvi pwòp labib-ou é ou pé vini épi fanmi’w ouben zanmi’w. Sé an diskision é sa gratui.
