Non, ou pa ni piès obligasion. Pliziè milion moun ka suiv an létid Labib san pou otan yo vini Témwen Jéova a. Étid-tala ni pou objèktif èsplitjé sa Labib ka ansénié. Chak moun ka désidé apré sa i kèy fè épi konésans-tala. Nou ka rikonnèt lafwa sé an kèsion personèl (Jozié 24:15).

 Wi. I pa ni ayen ki ka anpéché’w sèvi pwòp Bib-ou. Sèlman nou simié sèvi La Bible. Traduction du monde nouveau ki ka itilizé an langaj senp ; nou kèy ba’w yonn san ou ni pou péyé ayen si’w lé. Près tout sé tradiksion Labib-la ka endé’w dékouvè an mésaj lèspwa épi trapé lavi étèrnèl.

•   Sé lanmou-nou an prèmié ba Jéova ki ka pousé nou, é ki lé tout sèvitè’y ansénié lézòt sa yo aprann (Matié 22:37, 38 ; 28:19, 20). Pou nou, i pa ni pli gran lonnè di « travay kantékant épi Bondié » lè nou ka aprann sé moun-lan sa Pawòl-li ka ansénié (1 Korentjen 3:6-9).

•   Sé osi lanmou pou lézòt ki ka pousé nou fè sa (Matié 22:39). Nou ka trapé lajwa lè nou ka palé épi lézòt di sé bèl ansèyman-an nou aprann (Ak 20:35).