Mémoriyal lanmò Jézi
Sanmdi 12 avril 2025
An fwa adan lanné-a, sé Témwen Jéova-a ka konmémoré lanmò Jézikri. Sé konsa yo ka suiv koumandman-an li menm ba lè i di : « Kontinié fè sa pou montré zòt ka sonjé mwen » (Lik 22:19).
Nou ka envité zòt pou asisté lévènman-tala.
Kèsion ka rivini
Ki londjè pwogram-lan ?
Pwogram-lan ka diré oliwon inèdtan.
Ki koté sérémoni-an kèy fèt ?
Pou sav ki koté sa kèy fèt pabò kay-ou, mandé an Témwen Jéova.
Ès fòk péyé pou rantré ?
Non.
Ès i kèy ni latjèt ?
Non.
Ès fòk abiyé an manniè èspésial ?
Menm si pa ni an manniè èspésial pou abiyé, Témwen Jéova ka fè éfò pou suiv konsèy Labib ka ba asou sa. Kifè, yo ka fè atansion pou mété rad ki korèk épi ki ka montré yo ni rèspé ba lévènman-tala (1 Timoté 2:9). Sa pa nésésè mété lenj ki chè konsi ou té ka alé adan an swaré.
Koumanniè Mémoriyal-la ka pasé ?
Pwogram-lan ka koumansé épi ka fini èk an kantik é an lapriyè. Sé an minis rèlijié Témwen Jéova ki ka prédié. Diskou Mémoriyal-la ka pran tan èsplitjé poutji lanmò Jézi enpòwtan, épi ki bienfè nou pé jwenn gras a sa Bondié épi Kris fè ba nou.
Pou sav plis, gadé awtik-la « Pourquoi les Témoins de Jéhovah célèbrent-ils le Repas du Seigneur différemment des autres religions ? ».
Ki tan nou ké sélébré sé Mémoriyal-la ki ka vini an ?
2025 : sanmdi 12 avril
2026 : jédi 2 avril
Tibren plis ankò
MÉMORIYAL
Pou sonjé sakrifis Jézi
Sé épi anpil plézi zòt envité asisté évènman enpòtan tala épi nou. Zòt kay aprann tou sa lavi épi lanmò Jézi, pé pòté ba zòt.
ESSENTIAL BIBLE TEACHINGS
Poutji Jézikri mò ?
Zot dwé tann i mò pou péché nou. Mé es an sel sakrifis té pé sové milion moun ?