Évanjil a Lik 3:1-38
3 Lèwvwè Tibè Séza té wa é kè sé té 15èm lanné a-y antèt a wayòm a-y, Pons Pilat té ka gouvèné Lajidé. Éwòd* té ka gouvèné Lagalilé, Filip frè a-y té ka gouvèné réjyon a Itiré é a Trakonitid, é Lizanyas té ka gouvèné Abilèn.
2 An tan-lasa, Àn sé té yonn adan sé prèt pi enpòwtan la é Kayif té gran prèt. É sé a épòk-lasa Bondyé palé ba Jan, gason a Zakari, an dézè-la.
3 Alò, Jan ay adan tout sé vilaj-la ki té alantou a Jouden-la é i té ka di sé moun-la : « Pran lèbatèm, konsa zò ké montré kè zò rèpanti-zòt, é Bondyé ké padonné péché a zòt. »
4 Sa fèt kon sa té maké adan liv a pwofèt Izayi. Mi sa i té di : « Ni on moun ka hélé adan dézè-la : “Préparé chimen-la pou Jéova ! Ranjé chimen-la pou-y !
5 Fò-yo ké konblé tout sé ravin-la é fò-yo ké mèt tout sé montangn-la é tout sé mòn-la anivo. Fò chimen ki plen viraj vin dwèt é fò chimen ki pa bon vin bèl.
6 É tout limanité ké vwè kijan Bondyé ké sové* moun.” »
7 Alò, lè sé foul-la té ka vin owa a-y pou i té batizé-yo, i té ka di-yo : « Pitit a vipè, kimoun ki di-zòt kè zò ké pé chapé kò a zòt jou-la Bondyé ké fè kòlè la ?
8 Alò, montré kè zò ka rèpanti-zòt* ! Pa mèt an tèt a zòt kè Bondyé pé’é ba-zòt sa zò mérité, davwa zò ka di zò sé timoun a Abraam ! Pas mi sa an ka di-zòt : “Bondyé pé sèvi èvè sé wòch-lasa pou fè Abraam ni timoun.”
9 An réyalité, hach-la ja tou paré pou koupé rasin a sé pyébwa-la. Tout pyébwa ki pa ka bay bèl fwi, yo ké koupé-y é yo ké jété-y an difé. »
10 É foulmoun-la ki té la la té ka mandé-y : « Alò, ka pou nou fè ? »
11 I réponn-yo : « Si on moun ni 2 lenj*, é ondòt pa ni, fò i ba-y yonn. É si on moun ni on biten pou i manjé, fò i fè menm biten-la. »
12 Jous ni moun ki té ka ranmasé lajan a enpo ki vin owa-y pou i té batizé-yo. É yo té ka mandé-y : « Anségnan, ka pou nou fè ? »
13 I réponn-yo : « Pa fè* sé moun-la péyé plis enpo ki sa yo dwètèt péyé. »
14 Ni déotwa sòlda ki mandé-y : « Ka pou nou fè ? » é i di-yo : « Pa fòsé ponmoun ba-zòt lajan é pa manti asi ponmoun pou akizé-y, men kontanté-zòt dè sa zò ka gangné. »
15 Men konm pèp-la té ka atann Lèkris, yo té ka mandé-yo si a pa Jan ki té Lèkris.
16 Jan réponn-yo. I di-yotout : « Mwen, an ka batizé-zòt èvè dlo, men ni on moun ki ka vin é ki pi fò ki mwen. An pa menm mérité démaré soulyé a-y. I ké batizé-zòt èvè lèspri sen é èvè difé.
17 An men a-y, i ni on zouti pou woté pach, pou i pé sa nétwayé koté-la i ka bat gren-la byen pwòp é pou i pé sa mèt blé-la an dépo-la. Men i ké brilé pach-la adan on difé pa ni mwayen étenn. »
18 Anplisdisa, Jan té ka di onlo dòt biten pou ankourajé sé moun-la é i té ka anonsé-yo bon nouvèl-la.
19 Men i tonbé an zo a Éwòd pannan Éwòd té ka gouvèné Lagalilé pas Éwòd té fè onlo biten ki pa bon. I tonbé an zo a-y osi akòz dè Éwodyad, madanm a frè a-y.
20 É anplis dè tout sé mové biten-la Éwòd té ja fè la, i fè ondòt biten ki pa bon ankò : i mèt Jan lajòl.
21 Lè tout pèp-la pran lèbatèm, Jézi pran lèbatèm osi. Pannan i té ka priyé, syèl-la wouvè,
22 lèspri sen parèt kon on kolonb é i désann asi-y. É on vwa ki sòti an syèl-la di : « Ou sé Gason an mwen, sila an enmé onlo la ; ou ka mèt jwa an tchè an mwen. »
23 Lè Jézi koumansé anségné, i té ni 30 an apépré. Dapré sa sé moun-la té ka kwè, sé tégason a Jozèf,gason a Éli,
24 gason a Matat,gason a Lévi,gason a Mèlki,gason a Janay,gason a Jozèf,
25 gason a Matatyas,gason a Amòs,gason a Naoum,gason a Èsli,gason a Nagay,
26 gason a Maat,gason a Matatyas,gason a Séméyin,gason a Josèk,gason a Joda,
27 gason a Joanàn,gason a Résa,gason a Zorobabèl,gason a Chéaltyèl,gason a Néri,
28 gason a Mèlki,gason a Adi,gason a Kosam,gason a Èlmadam,gason a È,
29 gason a Jézi,gason a Éliyézè,gason a Jorim,gason a Matat,gason a Lévi,
30 gason a Siméon,gason a Jida,gason a Jozèf,gason a Jonam,gason a Élyakim,
31 gason a Méléa,gason a Ména,gason a Matata,gason a Natan,gason a David,
32 gason a Jésé,gason a Obèd,gason a Boaz,gason a Salmòn,gason a Nachòn,
33 gason a Aminadab,gason a Arni,gason a Èzwòn,gason a Pérèz,gason a Jida,
34 gason a Jakòb,gason a Izaak,gason a Abraam,gason a Téra,gason a Naò,
35 gason a Sèwoug,gason a Réou,gason a Pélèg,gason a Ébè,gason a Chéla,
36 gason a Kayinàn,gason a Awpakchad,gason a Sèm,gason a Noé,gason a Lamèk,
37 gason a Matizalèm,gason a Énòk,gason a Jarèd,gason a Maalaléèl,gason a Kayinàn,
38 gason a Énòch,gason a Sèt,gason a Adan,gason a Bondyé.
Noté sa
^ Kivédi Éwòd Antipas.
^ Oben « mwayen-la Bondyé ka itilizé la pou sové ».
^ Pi ègzaktèman « fò-zò pwodui fwi ki ka montré kè zò ka rèpanti-zòt ».
^ Oben « on lenj pou chanjé-y ».
^ Oben « pa mandé ».
