Ni onlo frè é sè ki ka sèvi èvè sé awtik-la ki asi 1^é paj a sit jw.org la an prédikasyon. Grasa Entèwnèt, ou pé voyé sé awtik-lasa fasilman é près yotout ka èspliké kijan sé évènman-la ki ka fèt konnyéla la ka réyalizé sé pwofési-la ki an Bib-la. Alèla, nou ka sèvi èvè diféran métòd pou préché é kon on frè maké, sé awtik-la ki anlè 1^é paj a sit-la, sé « ègzaktèman sa nou bizwen pou fè sa ».

Men sa ki ka rivé, sé kè on awtik ki asi 1^é paj a sit-la pa ka rété la toutlè. Alò, kijan nou pé fè pou touvé on awtik ki pa asi 1^é paj a sit-la ankò ?

• Asi jw.org ay adan « Bibliyotèk », aprésa ay adan « Séri awtik » é apré ay adan « Dòt sijé ».

• Adan JW Library^®, ay adan « Bibliothèque », aprésa ay adan « Rubriques » é apré ay adan « Dòt sijé ». Adan pawti-la « Dòt sijé », ou ké touvé lamajorité a sé awtik-la ki té asi 1^é paj a sit-la.