Adan piblikasyon-lasa, yo ka èspliké-w sèwten vèwsé pou édé-w ay an nannan a Bib-la. Konsa, ou pé vwè kijan biten-la té yé lèwvwè sé évènman-la Labib ka palé la pasé, ou pé vwè osi ka on mo oben plizyè mo ki adan on vèwsé vé di é poukwa yo maké sèwten biten adan Bib-la. Sa pé édé-w konnèt osi déotwa biten asi moun-la oben sé moun-la yo ka palé la.

Ki sé adan BIBLIYOTÈK ANLÈ ENTÈWNÈT a Lawatchtower, ki sé asi JW Library^®, pou sèwten vèwsé ou pé touvé sé piblikasyon-la ki adan Zouti pou fè rèchèch la ki ka korèsponn èvè vèwsé-lasa. Asi sit-la é asi aplikasyon-la ou ka touvé diféran Bib. Kèlkèswa sila ou ka itilizé la ou pé touvé sé piblikasyon-lasa adan founèt-la ki ni sé nòt-la ki fèt pou étidyé la.

Lè ou ka sèvi èvè zouti-lasa, gadé byen adan ki lòd sé piblikasyon-la ka parèt. Sé piblikasyon-la ki pi fré la ké parèt anho a lis-la é séla ki pi ansyen la ké parèt anba. Adan sé piblikasyon-la ki pi ansyen la, pétèt ni dé biten kè nou ka èspliké ondòt jan alèla.

• Lè ou k’ay adan BIBLIYOTÈK ANLÈ ENTÈWNÈT a Lawatchtower, piblikasyon-la Zouti pou fè rèchèch toujou disponib.

• Pawkont adan JW Library, fò ou ké enstalé-y é chakfwa yo ké mété-y ajou fò ou ké téléchawjé-y. Ou pé fè sa grasa bouton-la ki anho a founèt-la ki ni sé nòt-la ki fèt pou étidyé la adan. Founèt-lasa, ou ni-y pou chak chapit a Labib.