Lè nou ka li Labib, nou pé gadé pou vwè si nou ka touvé dé bèl ti trézò lè nou ka fè rèchèch. Men ka nou pé fè pou sa nou touvé pé sa itil pou nou ?

Fouyé pou ou touvé déotwa détay adan istwa-la ou ka ègzaminé la. Pa ègzanp, chèché kimoun ki maké istwa-lasa, ba kimoun i fè sa é a ki moman i fè-y. Mandé-w adan ki sitiyasyon sé moun-la té ka viv a épòk-lasa, ka ki pasé avan istwa-la, é ka ki pasé apré.

Gadé pou vwè ka sa ka aprann-vou. Pou sa, pozé-w déotwa kèsyon kon : « Ka sé moun-la ki adan istwa-lasa rèsanti ? Ki kalité yo té ni ? Poukwa fò ou ni sé kalité-lasa osi oben ka pou-w fè pou ou pa ni sé défo-la yo té ni la ?

Mèt sa ou aprann an pratik. Pétèt ou pé fè sa lè ou ka préché oben lè ou ka fonksyonné èvè dòt moun. Si ou ka fè sa, ou ké montré kè ou ni sajès a Bondyé é sa ou ké fè ké annakò èvè sé pawòl-lasa : « On moun ki saj ké tchenn kont dè sé biten-lasa » (Sòm 107:43).

• On ti konsèy : Adan réinyon a simenn-la, gadé pou vwè kijan pawti-la « Trézò ki an Pawòl a Bondyé » ka édé-nou réfléchi asi jan nou pé mèt sa nou aprann an pratik. Adan pawti-lasa, nou ka touvé déotwa kèsyon nou té’é pé pozé-nou, déotwa lidé nou té’é pé médité asi yo é déotwa imaj nou té’é pé analizé.