Nou ka adoré Jéova èvè dòt moun lè nou k’ay réinyon é lè nou k’ay lasanblé, men nou ka fè sa osi lè nou tousèl an nou é lè nou èvè fanmi an nou. Mi déotwa biten ou pé étidyé tousèl a-w oben èvè fanmi a-w :

• Préparé sé réinyon-la. Pa ègzanp, ou pé aprann chanté sé kantik-la é ou pé édé chakmoun an fanmi a-w préparé on ti komantè.

• Li on istwa ki an Bib-la. Aprésa, fè on ti désen ki ka rèprézanté on biten ki fèt adan istwa-la ou étidyé la oben maké on biten ou aprann pannan étid a-w.

• Ègzaminé on priyè ki an Bib-la é réfléchi pou vwè kijan priyè-lasa pé édé-w priyé pibyen.

• Gadé on vidéo asi jw.org é palé dè sa èvè dòt moun oben maké sa ou aprésyé oben sa ou aprann adan vidéo-lasa.

• Préparé-w pou prédikasyon-la. Pa ègzanp, ou pé fè on ti ègzèwsis èvè on moun an fanmi a-w é ou pé fè konsi ou ka préché ba on moun an téritwa a-w.

• Pran tan gadé kréyasyon-la é médité asi-y. Ou pé palé osi dè sa kréyasyon-la ka aprann-vou asi Jéova èvè fanmi a-w a.