Kon onlo moun, pétèt kè vou osi ou ni dimal a sonjé sa ou étidyé. Men nou ka rivé sonjé sa Jézi té ka anségné pas souvantfwa i té ka sèvi èvè ègzanp. Nou ka vwè ègzanp-la an lèspri an nou é sa ka édé-nou sonjé sa i anségné. Menmjan-la, nou ké rivé sonjé sa nou étidyé pi fasilman siwvwè nou ka fè imajinasyon an nou travay lèwvwè nou ka li. Kijan nou pé fè sa ? Nou pé désiné on biten pou fè-nou sonjé sa nou sòti aprann.

Lè on moun ka désiné sé nouvo biten-la i sòti aprann la, i ka sonjé-yo pi fasilman. Métòd-lasa ka maché non sèlman pou sonjé sé mo-la, men osi pou sonjé sé lidé-la ki pli enpòwtan la. Ou pa oblijé on gran désinatè pou désiné. Ou pé fè on ti désen tou senp. Lè moun ki ja ni on ti laj ka fè sa, yo ka rivé sonjé sa yo aprann plibyen.

Prochen kou ou ka étidyé, pétèt ou pé éséyé désiné sa ou ka aprann. Lè ou ké vwè kantité biten ou ké sonjé, sa pé rivé a siwprann-vou.