AWTIK POU ÉTIDYÉ 25
Konté asi Jéova lè ou an détrès
« An [...] adan on gwo tristès » (1 SAM. 1:15).
KANTIK 30 Mon Ami, mon Dieu, mon Père
ON TI LIDÉ ASI SA NOU KAY VWÈ *
1. Poukwa fò-nou tchenn kont dè avèwtisman a Jézi ?
ADAN on pwofési i anonsé anrapò èvè dènyé jou a sistèm-lasa, mi sa Jézi di : « Men fè atansyon a zòt, pou tchè a zòt pa vin lou [...] akòz dè penn é traka a lavi » (Lik 21:34). Fò-nou tchenn kont dè avèwtisman-lasa. Poukwa ? Paskè, kon toutmoun alantou an nou, nou ka pasé sèwten éprèv ki ka angwasé-nou.
2. Ni plizyè kalté éprèv ki ka angwasé frè é sè an nou. Kilès la ?
2 Défwa, an menm moman-la, nou ka jwenn plizyè éprèv é yotout ka angwasé-nou. An-nou pran sé 2 ègzanp-lasa. John * sé on frè ki ka soufè èvè on maladi grav ki ka fè-w pèd ékilib a-w, ki pé rann-vou avèg oben ki pé fè-w pèd lapawòl piti-a-piti. Sa boulvèsé-y toubònman lè madanm a-y kité-y, alòskè sa té ka fè 19 an yo té mayé. Aprésa, dé fi a-y arété sèvi Jéova. Bob é madanm a-y, Linda, jwenn pwoblèm si pwoblèm osi. Yo toulédé pèd travay a yo, é aprésa, yo té oblijé sòti an kaz-la yo té ka rété la. Anplisdisa, yo aprann Linda kè i ni on maladi an tchè ki pé rivé a tchouyé-y, é ni ondòt maladi ankò ki koumansé ataké défans a kò a-y.
3. Sèlon sa ki maké an Filipyen 4:6, 7, dè ki biten nou pé sèten ?
3 Nou pé sèten kè Jéova, Kréyatè an nou é Pap’an nou ki plen lanmou, ka konprann kijan nou ka santi-nou lè nou angwasé. É i vlé édé-nou pou nou rivé about a difikilté an nou (li Filipyen 4:6, 7). Labib ka palé-nou dè onlo sèwvitè a Bondyé ki andiré diféran sitiyasyon ki té ka angwasé-yo. I ka èspliké-nou osi kijan Bondyé édé-yo pou yo té rivé about a sé difikilté-lasa. An-nou vwè déotwa ègzanp.
ÉLI : « ON NONM KI TÉ NI MENM SANTIMAN KI NOU »
4. Pa ki difikilté Éli pasé, é ka i té ka rèsanti pou Jéova ?
4 Éli té ka sèvi Jéova, é an tan a-y, lavi té rèd toubònman. I viv sèwten sitiyasyon ki té vréman grav. Akab, ki té wa a Izrayèl é ki pa té fidèl, mayé èvè Jézabèl, on madanm ki té ka adoré Baal é ki té méchan toubònman. Yo fè ansòt pou moun adoré Baal toupatou an péyi-la, é yo tchouyé enpé pwofèt a Jéova. Érèzman, Éli rivé chapé. Anplisdisa, konm i té ka fè Jéova konfyans, i pa mò, alòskè onlo moun té ka mò-fen an péyi-la (1 Wa 17:2-4, 14-16). I konté asi Jéova osi lè i mété pwofèt a Baal é moun ki té ka adoré fo-dyé-lasa odéfi. É i ankourajé sé Izraélit-la pou yo té adoré Jéova (1 Wa 18:21-24, 36-38). Éli ni lokazyon konstaté kè Jéova té ka pwotéjé-y é té ka édé-y pannan tout sé moman difisil-lasa.
Jéova voyé on zanj édé Éli woupran fòs (gadé sé paragraf 5 é 6 la). *
5-6. Sèlon 1 Wa 19:1-4, ka Éli rèsanti, é kijan Jéova montré-y kè i té enmé-y ?
5 (Li 1 Wa 19:1-4.) Eli touvé-y pè lè Jézabèl di kè i ké tchouyé-y. Alò, i kouri kaché adan on réjyon yo ka kriyé Bèwsabé. Tèlman i té dékourajé, i di kè i anvi mò. Poukwa i té dékourajé konsa ? Pas sété on nonm enpawfè, ki « té ni menm santiman ki nou » (Jak 5:17). Pètèt kè i santi kè i té ka néyé anba pwoblèm ki té ka angwasé-y é kè kò a-y té krazé toubònman. Pétèt kè Éli konpranndèdi kè tout pakèt éfò-la i té fè la pou ankourajé pèp-la adoré Jéova té initil. Pétèt kè, pou-y, pa té ni pon amélyorasyon an Izrayèl é kè pa té ka rété ponmoun ki té ka adoré Jéova dòt ki li (1 Wa 18:3, 4, 13 ; 19:10, 14). Sa pé ka étoné-nou dè vwè kè on pwofèt fidèl a Jéova ka réyaji konsa. Men li, Jéova, té ka konprann sa Éli té ka rèsanti.
6 Éli di Jéova sa i té ka rèsanti é Jéova pa jen rèpwoché-y sa. Okontrè, i édé-y woupran fòs (1 Wa 19:5-7). Plita, Jéova édé Éli korijé jan i té ka vwè léchòz jantiman é pousa i fè-y vwè kè i ni on gran puisans toubònman. É i fè-y sav kè té ka rété 7 000 Izraélit ki té ka rèfizé adoré Baal (1 Wa 19:11-18). Jéova fè tout sé biten-lasa pou i té montré Éli kè i enmé-y.
SA JÉOVA KA FÈ POU ÉDÉ-NOU
7. Lè nou ka vwè jan Jéova édé Éli, poukwa sa ka ankourajé-nou ?
7 Èskè konnyéla la ou ka viv on sitiyasyon ki ka angwasé-w ? Lè nou ka rann-nou kont kè Jéova té ka konprann sa Éli té ka rèsanti, sa ka ankourajé-nou toubònman ! Sa vlé di kè Jéova ka konprann-nou lè nou ni on bobo an tchè an nou oben lè ni on biten ki ka fè-nou pè. Jéova konnèt limit an nou, é i sav sa ki ka pasé an tèt an nou é an tchè an nou (Sòm 103:14 ; 139:3, 4). Si nou ka kontinyé fè Jéova konfyans kon Éli té ka fè, Jéova ké édé-nou jéré tout sitiyasyon ki ka angwasé-nou (Sòm 55:22).
8. Ka Jéova ké fè pou édé-w jéré on sitiyasyon ki ka angwasé-w ?
8 Lèwvwè ou angwasé, ou pé ni lenprésyon kè sitiyasyon a-w pé’é jen chanjé é sa pé dékourajé-w. Si sé ka a-w, sonjé kè Jéova vlé édé-w. Kijan i ké fè sa ? I vlé ou di-y ki pwoblèm ou ni é kijan ou ka santi-w. I ké tann ou ka kriyé-y o sèkou é i ké réponn-vou (Sòm 5:3 ; 1 Pyè 5:7). Alò, priyé-y souvan pou palé-y dè pwoblèm a-w. I pé’é palé ba-w dirèktèman, kon i fè èvè Éli, men i ké sèvi épi Pawòl a-y, Labib, é èvè òwganizasyon a-y. Sé istwa-la ki an Bib-la pé konsolé-w é ba-w èspwa. Frè é sè a-w osi pé ankourajé-w (Wom. 15:4 ; Ébr. 10:24, 25).
9. Kijan on zanmi nou ka fè konfyans pé édé-nou ?
9 Jéova di Éli fè Élizé ba-y on pal adan travay a-y. Konsa, Jéova ba Éli on bon zanmi ki té’é pé édé-y lè i té’é ka santi-y dékourajé. Menmjan-la, si nou ka wouvè tchè an nou ba on zanmi nou ka fè konfyans, i ké pé édé-nou jéré angwas an nou (2 Wa 2:2 ; Pwov. 17:17). Si ou ka pansé kè ou pa ni ponmoun ou pé wouvè tchè a-w ba-y, priyé Jéova pou i édé-w touvé on krétyen ki mi ki ké pé konsolé-w é ankourajé-w.
10. Poukwa ègzanp a Éli ka montré kè nou osi nou pé andiré, é kijan pwomès-la ki an Izayi 40:28, 29 ka édé-nou ?
10 Jéova édé Éli pou i té rivé jéré angwas a-y é pou i té sèvi-y fidèlman pannan plizyè lanné. Istwa a Éli ka ban-nou konfyans. Nou pé rivé a touvé-nou adan sèwten sitiyasyon ki ka angwasé-nou toubònman. É tèlman nou angwasé, sa pé rivé a krazé kò an nou é a mèt tchè an nou an bobo. Men si nou ka konté asi Jéova, i ké ban-nou fòs-la nou bizwen la pou nou kontinyé sèvi-y (li Izayi 40:28, 29).
ÀN, DAVID, É ON NONM KI MAKÉ DÉOTWA SÒM KONTÉ ASI JÉOVA
11-13. Ni twa sèwvitè a Jéova ki té byen angwasé menm. Kijan sa aji asi yo ?
11 Ni dòt moun an Bib-la ki touvé-yo adan sitiyasyon ki té ka angwasé-yo toubònman. Pa ègzanp, onlè, Àn dwèt té hont padavwa i pa té ni timoun. Men 1 Sam. 1:2, 6). Sitiyasyon-lasa té ka angwasé-y, é tèlman sa té ka rann-li tris, i té ka pléré é i pèd lapéti (1 Sam. 1:7, 10).
fò i té sipòté sitiyasyon-lasa. Anplisdisa, lòt madanm a mari a-y té ka fè jé èvè tèt a-y pou tigonné-y. Fò i té andiré sa osi (12 Délè, Wa David té ni lenprésyon kè i té ka néyé anba pwoblèm ki té ka angwasé-y. Sonjé difikilté kè i jwenn. Konsyans a-y té ka bat-li pas i té ka santi-y koupab akòz dè sé pakèt péché-la i té fè la (Sòm 40:12). Absalon, gason a-y, kè i té enmé onlo, viré kont li. É aprésa, yo tchouyé tiboug-la (2 Sam. 15:13, 14 ; 18:33). Anplisdisa, yonn adan méyè zanmi a David trayi-y (2 Sam. 16:23–17:2 ; Sòm 55:12-14). Adan onpakèt sòm, David ka palé dè sa i té ka rèsanti lè i té dékourajé, men ou ka santi osi kè sété on boug ki té ka fè Jéova konfyans a san pou san (Sòm 38:5-10 ; 94:17-19).
Ka ki édé on nonm ki maké déotwa sòm woupran fòs ? (gadé sé paragraf 13 a 15 la). *
13 Plita, ni on boug ki maké déotwa sòm ki vin jalou sé méchan-la. Pétèt kè sété on désandan a on Lévit yo té ka kriyé Asaf é kè i té ka sèvi adan tanp a Bondyé. Nonm-lasa té ka rèsanti on gran soufrans an tchè a-y, é akòz dè sa, i pèd jwa a-y é i pa té kontan sò a-y ankò. I jous koumansé kwè kè pa ni asé bénédisyon lè ou ka sèvi Jéova (Sòm 73:2-5, 7, 12-14, 16, 17, 21).
14-15. Àn, David é nonm-la ki maké déotwa sòm konté asi Jéova. Ka sé twa ègzanp-lasa ka aprann-nou ?
14 Nou sòti palé dè twa sèwvitè a Jéova é yo toulétwa té ka konté asi Jéova. Yo té ka priyé Jéova pou di-y tousa ki té ka rann-yo enkyèt é yo té ka fè-y èvè tout tchè a yo. Yo pa té ka ézité di-y ka ki té ka 1 Sam. 1:9, 10 ; Sòm 55:22 ; 73:17 ; 122:1).
angwasé-yo. É yo té ka kontinyé adoré Jéova la sèwvitè a-y té dwètèt adoré-y (15 Jéova réponn-yochak èvè onlo konpasyon. Àn santi kè sa trankilizé lèspri a-y (1 Sam. 1:18). Mi sa David maké : « On moun ki jis ka jwenn onlo pwoblèm, men Jéova ka woté-y anba yotout » (Sòm 34:19). Nonm-la ki té maké déotwa sòm rann-li kont plita kè Jéova té ka ‘tchenbé men dwat a-y’ lè i té ka ba-y konsèy plen lanmou pou pé sa gidé-y. Mi sa i di adan on chanté : « Kanta mwen, vin toupré Bondyé, sa bon pou mwen. An fè ansòt pou Jéova, Gran Mèt-la é Ségnè-la, vin on abri pou mwen » (Sòm 73:23, 24, 28). Ka sé twa ègzanp-lasa ka aprann-nou ? Défwa, nou ni lenprésyon kè nou ka néyé anba pwoblèm ki ka angwasé-nou. Men ni mwayen nou rivé about a yo. Ankijan ? Nou ké rivé si nou ka pran tan réfléchi asi sa Jéova fè pou édé sèwvitè a-y, si nou ka priyé-y é nou ka konté asi-y, é si nou ka fè sa i ka di-nou fè (Sòm 143:1, 4-8).
KONTÉ ASI JÉOVA É OU KÉ RIVÉ ABOUT
Odépa, on sè té anvi rété dè koté a-y, men sitiyasyon a-y vin méyè lè i koumansé chèché a édé lézòt (gadé sé paragraf 16 é 17 la).
16-17. a) Poukwa fo pa nou rété dè koté an nou ? b) Ka ki pé édé-nou woupran fòs ?
16 Sé twa ègzanp-lasa ka aprann-nou ondòt lèson enpòwtan : fo pa nou rété Pwov. 18:1). Nancy té tris toubònman lè mari a-y kité-y. Mi sa i ka di : « Ni dé jou, an pa té anvi vwè ponmoun ni palé ba ponmoun. Sa rivé-mwen a plizyè rèpriz. Men pli an té ka rété dè koté an mwen, é pli an té ka tris. » Men sa chanjé lè i mété-y ka édé lézòt. Mi sa i ka èspliké : « An té ka pran tan kouté-yo lè yo té ka palé-mwen dè pwoblèm a yo. É on biten an konstaté, sé kè pli an té ka pran penn a yo, é mwens an té ka konsantré-mwen asi mwenmenm é asi pwoblèm an mwen. »
dè koté an nou é fo pa nou lagé Jéova ni arété frékanté pèp a-y (17 Lè nou kay réinyon, sa pé édé-nou woupran fòs. Lè nou lasal, sa ka ba Jéova plis lokazyon pou i pé sa vin a sèkou an nou é pou i pé sa konsolé-nou (Sòm 86:17). Sé an réinyon Jéova ka fòwtifyé-nou grasa lèspri sen a-y, Pawòl a-y é sèwvitè a-y. Sé réinyon-la ka pèwmèt yonn ankourajé lòt (Wom. 1:11, 12). Mi sa on sè yo ka kriyé Sophia ka rakonté : « Sé Jéova é frè é sè an mwen ki édé-mwen andiré. Sé réinyon-la an lasanblé an mwen té ni onlo enpòwtans pou mwen. An konstaté kè, pli an ka pòté mannèv an prédikasyon é adan lasanblé an mwen é pli an ka rivé jéré istrès an mwen é angwas an mwen. »
18. Lè nou ka santi-nou dékourajé, ka Jéova ka ban-nou ?
18 Lè nou ka santi-nou dékourajé, fò-nou sonjé kè a pa yenki on soulajman étèwnèl Jéova ka pwomèt-nou pou plita. Men i ka ban-nou èd a-y osi pou nou rivé about a sitiyasyon ki ka angwasé-nou. I ka ban-nou volonté-la é fòs-la ki nésésè la pou nou pa néyé lè nou ka santi-nou dékourajé é dézèspéré (Filip. 2:13).
19. Ki garanti nou ka touvé adan Women 8:37-39 ?
19 (Li Women 8:37-39.) Lapòt Pòl ka pwomèt-nou kè ayen pé’é jen pé séparé-nou dè lanmou-la Bondyé ni pou nou la. Ka nou pé fè pou édé frè é sè an nou ki ka viv dé sitiyasyon ki ka angwasé-yo ? Adan awtik-la ki ka vin la, nou ké vwè kijan nou pé suiv ègzanp a Jéova pou montré frè é sè an nou kè nou ni konpasyon pou yo, lè yo enkyèt é lè yo angwasé. Nou ké vwè osi ka nou pé fè pou soutyenn-yo.
KANTIK 44 Prière du petit
^ par. 5 Lèwvwè ou istrésé bon istrésé la oben ka fè lontan ou angwasé, sa pé rann-vou malad é sa pé fè tchè a-w vin an bobo. Ka Jéova ka fè pou i édé-nou lè nou adan on sitiyasyon konsa ? Nou ké vwè ka i fè pou édé Éli, lè Éli té an détrès. É grasa dòt ègzanp ki an Bib-la, nou ké vwè ka pou nou fè pou nou bénéfisyé dè èd a Jéova lè nou angwasé.
^ par. 2 Yo chanjé sé prénon-la adan awtik-lasa.