AWTIK POU ÉTIDYÉ 23
« Tansyon a zòt pou ponmoun pa pran-zòt an pyèj a-y » !
« Tansyon a zòt pou ponmoun pa pran-zòt an pyèj a-y èvè filozofi é mansonj initil ki bazé asi mès-é-labitid a lézòm » (KOL. 2:8).
KANTIK 96 Le Livre de Dieu : un trésor
ON TI LIDÉ ASI SA NOU KAY VWÈ *
1. Sèlon Kolosyen 2:4, 8, kijan Satan ka éséyé pran kontwòl a lèspri an nou ?
SATAN vlé kè nou touné Jéova do. Pou rivé fè sa, i ka éséyé chanjé jan nou ka vwè léchòz. Sé konsi i vlé pran kontwòl a lèspri an nou pou nou vin ni menm mantalité ki-y. Pou nou pé sa suiv-li, i ka chèché a fè-nou kwè sèwten biten oben a kouyonné-nou. Pou sa, i ka sèvi èvè lanvi kè nou ni (li Kolosyen 2:4, 8).
2-3. a) Poukwa fò-nou kouté avèwtisman-la nou ka touvé an Kolosyen 2:8 ? b) Ka nou ké vwè adan awtik-lasa ?
2 Ou ka di ni mwayen Satan kouyonné-nou ? Ès vréman nou an danjé ? A pa pétèt ! Sonjé sa Pòl di an Kolosyen 2:8. A pa moun ki pa té ka kwè i avèti, men sé ba krétyen wen i té ka palé (Kol. 1:2, 5). Sé krétyen-la té ja an danjé a lépòk, men jòdijou sitiyasyon-la lontan pli danjéré (1 Kor. 10:12). Poukwa nou ka di sa ? Pas yo jété Satan asi latè é òbjèktif a-y sé kouyonné sèwvitè a Bondyé (Rév. 12:9, 12, 17). Anplisdisa, a épòk an nou, moun-méchan é moun ki ka fè-yo pasé pou sa yo pa yé ka vin dè plizanpli mové (2 Tim. 3:1, 13).
3 Adan awtik-lasa, nou ké vwè kijan Satan ka itilizé ‘mansonj initil’ pou éséyé chanjé mantalité an nou. Nou ké ègzaminé twa « zatrap » i ka itilizé (Éféz. 6:11). Pétèt sé métòd-lasa ja aji asi mantalité an nou. Si sé ka an nou, adan pwochen awtik-la, nou ké vwè ka nou pé fè pou lité kont sa. Men pou nou koumansé, an-nou ègzaminé kijan Satan kouyonné sé Izraélit-la lè yo té sòti antré asi Tè-la Bondyé té pwomèt-yo la é nou ké vwè osi ki lèson sa ka aprann-nou.
SATAN POUSÉ-YO A ADORÉ IDÒL
4-6. Sèlon sa Détéwonòm 11:10-15 ka di, lè sé Izraélit-la vin rété asi Tè-la Bondyé té ba-yo la, ki nouvo métòd fò-yo té aprann pou travay latè ?
4 Satan malen. I fè ansòt pou sé Izraélit-la adoré idòl. Kijan i rivé fè sa ? I té sav kè yo té bizwen nouriti, é i sèvi èvè sa pou fè-yo fè sa i té vlé. Lè sé Izraélit-la té sòti antré asi Tè-la Bondyé té ba-yo la, fò-yo té sèvi èvè nouvo métòd pou yo té travay latè. Lè yo té an Éjipt, yo té ka sèvi èvè dlo a Nil-la, pou wouzé jaden a yo. Pawkont, asi Tè-la Bondyé té ba-yo la, pa té ni gran rivyè, kifè sé grasa lapli é lawouzé yo té kay pé fè jaden (li Détéwonòm 11:10-15 ; Iz. 18:4, 5). Sé pousa, fò sé Izraélit-la té aprann dé nouvo métòd pou yo té travay latè. Sa pa té ké fasil, pas lamajorité a moun ki té byen konnèt fè jaden té mò adan dézè-la.
Ka Satan fè pou rivé a chanjé mantalité a sé kiltivatè izraélit la ? (gadé sé paragraf 4 a 6 la). *
5 Jéova èspliké sé Izraélit-la kè sitiyasyon a yo té kay chanjé. Aprésa, i ba-yo on avèwtisman ki ka sanm sa i pa ni ayen a vwè èvè agrikilti. Mi sa i di-yo : « Penga zò lésé ayen fè tchè a zòt pèd chimen, pou zò pa adoré dòt dyé é pou zò pa mèt-zòt ajounou douvan yo » (Dét. 11:16, 17). Poukwa Jéova di pèp a-y penga yo adoré idòl, alòskè i té sòti palé dè nouvo métòd pou yo fè jaden ?
6 Jéova té sav kè sé Izraélit-la té’é anvi ay gadé kijan vwazen a yo, sé Kananéyen-la, té ka fè pou travay latè. On biten ki sèten, sé kè sé pèp-lasa té ni lontan plis èkspéryans ki sé Izraélit-la, é sèten yo té ni déotwa tèknik itil yo té’é Nonb 25:3, 5 ; Jij 2:13 ; 1 Wa 18:18). An-nou gadé kijan Satan rivé pran sé Izraélit-la an pyèj a-y.
pé aprann sé Izraélit-la. Men té ni on danjé dèyè sa. Konm sé Kananéyen-la té ka adoré Baal, sa té ka aji asi jan yo té ka vwè léchòz. Pou yo, sété Baal ki té mèt a syèl-la é sé li ki té ka fè lapli tonbé. Jéova pa té vlé kè sé fo-kwayans-lasa détenn asi pèp a-y. Magrésa, a plizyè rèpriz, sé Izraélit-la chwazi adoré Baal (TWA MÉTÒD SATAN ITILIZÉ POU PRAN SÉ IZRAÉLIT-LA AN PYÈJ A-Y
7. Ki sitiyasyon ki mèt fwa a sé Izraélit-la a léprèv apré yo rantré adan Péyi-la Bondyé té ba-yo la ?
7 Satan itilizé on prèmyé métòd. I sèvi èvè on lanvi natirèl kè sé Izraélit-la té ni : yo té vlé lapli wouzé tè-la. Dépi fen avril pou rivé jous an sèptanm, lapli pa gè té ka tonbé an péyi-la Bondyé té ba-yo la. Pou sé Izraélit-la té kontinyé viv é pou yo té fè on bon rékòlt, yo té bizwen lapli-la, ki té ka koumansé tonbé koté òktòb byensouvan. Satan fè sé Izraélit-la kwè kè pou yo té fè on bon rékòlt, fò-yo té fè kon vwazen a yo ki pa té ka adoré Jéova. Vwazen a yo té ka konprann kè té ni sèwten sérémoni a fè, pou dyé a yo fè lapli tonbé. Ni dé Izraélit ki pa té ka fè Jéova konfyans é yo kwè kè sété sèl mannyè ki té ni pou évité séchrès-la. Sé konsa yo imité sé payen-la é yo fè sérémoni pou adoré Baal.
8. Ki dézyèm métòd Satan itilizé ? Bay on ti èsplikasyon.
8 Satan sèvi èvè on dézyèm métòd pou pran sé Izraélit-la an pyèj a-y : i pousé-yo a fè péché sèksyèl. Sé nasyon-la ki pa té ka adoré Jéova té ka fè dé vyé biten sèksyèl dégoutan toubònman pou adoré dyé a yo. Pa ègzanp, ki madanm ki misyé té ka vann kò a yo adan sé tanp-la. Non sèlman moun ki ni menm sèks té pé kouché ansanm é fè dòt vyé biten sèksyèl, men anplisdisa sété dé biten ki té toutafè nòwmal pou yo ! (Dét. 23:17, 18 ; 1 Wa 14:24). Sé payen-la té ka konprann kè sé sérémoni-lasa té ké ankourajé dyé a yo béni rékòlt a yo. Onlo Izraélit touvé sé sérémoni-lasa agou a yo é yo mété-yo ka sèvi sé fo-dyé-la. An réyalité, Satan pran-yo an pyèj a-y.
9. Sèlon sa Ozé 2:16, 17 ka di, kijan Satan fè sé Izraélit-la oubliyé kimoun Jéova yé vréman ?
9 Satan sèvi èvè on twazyèm métòd. I fè sé Izraélit-la oubliyé kimoun Jéova yé vréman. An tan a pwofèt Jérémi, Jéova di kè sé fo-pwofèt-la té vlé fè pèp a-y oubliyé non a-y « akòz dè Baal » (Jér. 23:27). I ka sanm sa sé Izraélit-la arété sèvi èvè non a Bondyé é, an plas a-y, yo sèvi èvè « Baal », on non ki vé di « pwopriyétè » oben « mèt ». Piti-a-piti, sa vin rèd ba yo dè vwè ki diférans ki ni ant Jéova é Baal, kifè sa menné-yo a fè onsèl mélanj. Yo mélanjé sérémoni pou adoré Baal èvè adorasyon a Jéova (li Ozé 2:16, 17 é nòt-la).
KI MÉTÒD SATAN KA ITILIZÉ JÒDIJOU
10. Ki métòd Satan ka itilizé jòdijou ?
10 Satan ka sèvi èvè sé menm métòd-la jòdijou. Pou i pran moun an pyèj a-y, i ka sèvi èvè lanvi natirèl yo ni, i ka pousé-yo a fè péché sèksyèl, é i ka anpéché-yo konnèt Jéova. An-nou rété tibwen asi dènyé métòd-la.
11. Ka Satan ka fè pou anpéché sé moun-la konnèt Jéova ?
11 Satan ka anpéché sé moun-la konnèt Jéova. Apré sé apòt-la mò, ni dé moun ki Akt 20:29, 30 ; 2 Tés. 2:3). Sé apòsta-lasa fè ansòt pou moun pa sav kimoun sèl vré Dyé-la té yé vréman. Pa ègzanp, yo arété sèvi èvè non a Bondyé adan vèwsyon a Bib a yo é yo mèt « Ségnè » oben dòt tit anplas a-y. Kifè, sa vin rèd ba on moun ki ka li Labib dè sav ki diférans ki ni ant Jéova é sélézòt « ségnè »-la ki an Bib-la (1 Kor. 8:5). Pou palé dè Jéova é dè Jézi, yo mété-yo ka sèvi èvè menm mo-la : « Ségnè ». Kifè, onlo moun pa’a rann-yo kont kè Jéova é Jézi sé dé moun diféran, é kè yo pa ni menm pozisyon-la (Jan 17:3). Sa enn fè onsèl mélanj é sa pèwmèt on ansègnman ki pa biblik vwè jou. Yo koumansé anségné kè Bondyé an twa pèwsòn. Mi sé pousa onlo moun ka pansé kè Bondyé sé on mistè é kè pa ni mwayen konnèt-li. Mi on gwo mansonj, mi ! (Akt 17:27).
té krétyen swadizan é ki koumansé simé fo-ansègnman toupatou (Kijan Satan ka sèvi èvè fo-rèlijyon-la pou pousé moun a fè péché sèksyèl ? (gadé paragraf 12 la). *
12. Ka fo-rèlijyon-la ka ankourajé moun a fè, é sèlon Women 1:28-31 ki rézilta sa bay ?
12 Satan ka pousé moun a fè péché sèksyèl. An Izrayèl an tan lontan, Satan sèvi èvè fo-rèlijyon-la pou simé tout kalté vyé péché sèksyèl toupatou. Jòdijou, i ka fè menm biten. Fo-rèlijyon-la ka toléré tout kalté mové konduit ki ni é i ka jous fè moun konprann kè sé konduit-lasa pa mové. Kifè, onlo moun ki ka sèvi Bondyé swadizan, abandoné prensip a-y alòskè yo pa rèd a konprann. On lèt Pòl maké ba sé Women-la ka édé-nou konprann ola sa ka menné (li Women 1:28-31). Pawmi « biten ki pa korèk », tin tout kalté konduit sèksyèl ki mové kon lè dé moun ki ni menm sèks ka kouché ansanm (Wom. 1:24-27, 32 ; Rév. 2:20). Sa vréman enpòwtan kè nou kolé ègzaktèman èvè ansègnman a Labib, ki klè toubònman !
13. Satan ka itilizé ondòt métòd. Kilès la ?
13 Satan ka sèvi èvè lanvi natirèl kè nou ni. Noutout anvi pwokiré, ki nou, ki fanmi an nou, sa ki nésésè pou viv. É pou nou rivé fè sa, nou vlé aprann fè sèwten biten (1 Tim. 5:8). Byensouvan, nou ka aprann fè sé biten-lasa lè nou lékòl é lè nou ka pran fòwmasyon an nou o séryé. Men fò-nou fè atansyon. Adan onlo péyi, sé zélèv-la ka rèsèvwa on fòwmasyon itil, men yo ka aprann-yo filozofi a lézòm osi. Yo ka ankourajé sé zélèv-la a douté kè Bondyé ka ègzisté é a pa rèspèkté Labib. Yo ka di-yo kè moun ki entélijan ka kwè kè sé lévolisyon tousèl ki ka èspliké kijan lavi parèt (Wom. 1:21-23). Sé ansègnman-lasa pa ni ayen a vwè èvè ‘sajès a Bondyé’ (1 Kor. 1:19-21 ; 3:18-20).
14. Ka sajès a lézòm ka ankourajé moun a fè ?
14 Sajès a lézòm pa ka tchenn kont dè prensip a Jéova ki jis. I jous ka kontrèdi-yo. I pa ka ankourajé-w a kiltivé fwi a lèspri a Bondyé, men plito a fè sa lachè ka pousé-nou fè (Gal. 5:19-23). I ka ankourajé moun a ni òwgèy é a ni on manni blagè, kifè onlo moun ka vin « égoyis » (2 Tim. 3:2-4). Sé jan dè karaktè-lasa pa ni ayen a vwè èvè mantalité a on sèwvitè a Jéova. Jéova vlé kè nou montré-nou toupiti é kè nou dous (2 Sam. 22:28). Désèrten krétyen ki fè gran lékòl fin pa adòpté mantalité a mond-la olyé yo té adòpté ta Bondyé. An-nou vwè on ègzanp ki ka montré sa ki pé rivé lè nou ka fè konsi pa ni pon danjé adan sa.
Kijan sajès a lézòm pé détenn asi mantalité an nou ? (gadé sé paragraf 14 a 16 la). *
15-16. Ka ou ka aprann dè sa ki rivé on sè ?
15 On sè, ki adan sèwvis aplentan la dépi pliski 15 lanné, ka rakonté : « Antankè Témwen a Jéova, an té li é an té tann palé dè danjé ki ni lè ou ka fè gran lékòl, men an pa tchenn kont dè sa yo té ka di. An té ka pansé kè sé konsèy-lasa pa té pou mwen. » Ki difikilté i kontré ? I ka èspliké : « Étid an mwen té ka mandé onlo tan é onlo éfò. Tèlman
an té okipé, an pa té ni tan pou priyé Jéova trankilman kon avan, an té two las pou ni on ti kozé si Labib èvè frè é sè an mwen é pou an préparé réinyon an mwen byen. Érèzman, an fin pa rann-mwen kont kè fè gran lékòl té ka mèt lanmityé an mwen èvè Jéova an danjé. Sé konsa an konprann kè fò an té arété. É sé sa an fè. »16 Lè sè-la fè gran lékòl, kijan sa aji asi mantalité a-y ? I ka réponn : « An on tijan hont di sa, men sa an aprann lékòl menné-mwen a kritiké moun, siwtou frè é sè an mwen, é an té vlé kè yo fè plis ki sa yo pé. An arété frékanté-yo osi. Sa pran onlo tan pou an té débarasé-mwen dè mantalité-lasa. Sa an viv a épòk-lasa montré-mwen kijan sa danjéré lè ou pa’a tchenn kont dè avèwtisman kè Pap’an nou ki an syèl-la ka ban-nou grasa òwganizasyon a-y. Jéova té konnèt-mwen myé ki mwenmenm. An ka règrété kè an pa kouté-y. »
17. a) Ki biten fò-nou byen désidé a fè ? b) Ka nou ké vwè adan pwochen awtik-la ?
17 On biten fò-w byen désidé a fè, sé pa jen lésé ‘filozofi é mansonj initil’ a mond-la fè-w tonbé an pyèj a Satan. Toutlè, fò-w méfyé-w dè métòd a Satan (1 Kor. 3:18 ; 2 Kor. 2:11). Pa jen lésé Satan fè-w oubliyé kimoun Jéova yé é kijan i vlé nou sèvi-y. Prensip a Jéova ho toubònman. Alò, suiv-yo adan vi a-w. É pa lésé Satan fè-w mèt konsèy a Jéova akoté. Men ka ou pé fè si ou ka rann-vou kont kè mantalité a mond-la ja détenn asi-w ? Awtik-la ki ka vin la ké montré kijan Labib pé édé-nou a débarasé-nou dè mantalité é dè labitid ki ni rasin a yo byen fon andidan nou (2 Kor. 10:4, 5).
KANTIK 49 Jéhovah, nous réjouirons ton cœur
^ par. 5 Lè sé pou kouyonné moun, Satan sé on mèt-a-mannyòk. I ka fè onlo moun kwè kè yo lib, alòskè, an réyalité, yo ja pri an pyèj a-y. Awtik-lasa ka analizé déotwa métòd Satan ka itilizé pou kouyonné moun.
^ par. 48 SA NOU KA VWÈ ASI SÉ IMAJ-LA : Déotwa Izraélit, ki èvè déotwa Kananéyen, anvi adoré Baal é ay adan sérémoni ki ni sèks adan.
^ par. 51 SA NOU KA VWÈ ASI SÉ IMAJ-LA : Piblisité a on légliz ki ka toléré kè moun ki ni menm sèks kouché ansanm.
^ par. 53 SA NOU KA VWÈ ASI SÉ IMAJ-LA : On jenn tisè ka fè gran lékòl. Li é kanmarad a-y ka lésé pwofésè-la pran tèt a yo. I ka montré-yo kè lasyans é latèknoloji pé rézoud tout pwoblèm a limanité. Aprésa, sa yo ka di Lasal pa tèlman ka entérésé sè-la ankò, é i ka kritiké lézòt.