Adan pawti « Nouveautés » asi JW Library é adan pawti « Nouvoté » asi jw.org, ou ké touvé tout sé biten-la ki toufré sòti la. Kijan ou pé sèvi èvè pawti-lasa pou-w ni sé dènyé enfòwmasyon-la ?

• Lè on nouvo awtik ka parèt, nou ka touvé-y adan ribrik-la ki ka korèsponn a awtik-lasa. Alò, lèwvwè on ribrik ka parèt adan pawti « Nouveautés » la, téléchawjé-y pas yo mèt on nouvo biten adan. Konsa ou ké pé li nouvo awtik-lasa é ou ké touvé-y anho a lis a sé awtik-la (yo ranjé sé awtik-la parapòt a dat a yo).

• Délè ou pé bizwen plis tan pou li sèwten piblikasyon kon sé jounal-la pas yo on ti jan pi long. Pou édé-w sonjé kè ou po’o fin li on piblikasyon, ou pé mété-y adan lis a « Favoris » a-w é lè ou ké fin li-y, ou ké pé woté-y adan lis-lasa.

Ni sèwten biten ki pa’a parèt asi JW Library men yo ka parèt enki asi jw.org. Pawmi yo ou ka touvé dé biten ki fèt adan mond-la é dòt enfòwmasyon ankò. Alò toujou pran labitid ay jété on ti koudzyé adan pawti « Nouvoté » la pou vwè sé dènyé biten-la ki sòti la.