« Fò wayòm a-w vini ! » : on priyè milyon é milyon moun ka résité
Ès ou ja priyé pou wayòm a Bondyé vini ? Ja ni enpé syèk, milyon é milyon moun ka répété sé mo-lasa : « Fò wayòm a-w vini ! » Poukwa yo ka fè priyè-lasa ? Pas Jézi di disip a-y priyé pou « wayòm » a Bondyé.
Odépa, a pa tousa Jézi té ka di asi Wayòm-la kè sé disip-la té ka konprann. On jou, yo mandé-y : « Ségnè, ès sé konnyéla ou ké woumèt wayòm-la doubout pou Izrayèl ? » Jézi pa ba-yo on répons dirèk é sa dwèt siwprann-yo (Akt 1:6, 7). Ès sa vé di nou pé pa sav ka wayòm a Bondyé yé, ni kitan i ké vin ? Awa !
Niméwo-lasa a Tou dè Gad la ké édé-w touvé répons a sé kèsyon-lasa :
Ka wayòm a Bondyé yé ?
Poukwa nou bizwen wayòm a Bondyé ?
Kimoun ki Wa antèt a wayòm-lasa ?
Kitan wayòm-lasa ké dirijé latè ?
Ka i ké akonpli ?
Poukwa fò-nou chwazi soutyenn wayòm a Bondyé dépi konnyéla ?
Ay gadé sa osi...
ESSENTIAL BIBLE TEACHINGS
Ka Wayòm a Bondyé yé ?
Lè i té asi latè, Jézi palé dè Wayòm a Bondyé pliski dè pon dòt biten. Ni plizyè syèk disip a-y ka priyé pou Wayòm-lasa vini.
