19-25 févriyé
SÒM 8-10
Kantik 2 é priyè | Pawòl pou koumansé (1 min)
1. « O Jéova, an vlé ba-w louwanj » !
(10 min)
Jéova ka aji èvè bonté épi nou on mannyè ki èstraòwdinè (Sòm 8:3-6 ; w21.08 3 § 6).
Nou ka ba Jéova louwanj dè-tou-kè, lèwvwè nou ka palé èvè moun dè sé biten èstraòwdinè la i fè la (Sòm 9:1 ; w20.05 23 § 10).
Nou ka ba-y louwanj osi lèwvwè nou ka chanté sé kantik-la dè-tou-kè (Sòm 9:2 ; w22.04 7 § 13).
MANDÉ-W : « Ki dòt mannyè an pé ba Jéova louwanj ? »
2. Trézò èspirityèl
(10 min)
-
Sòm 8:3 : Ka moun-la ki maké sòm-lasa té vlé di lè i palé dè men a Bondyé ? (it-1-F 663).
-
Ki trézò èspirityèl ou jwenn adan lèkti biblik a simenn-lasa ?
3. Lèkti a Labib
(4 min) Sòm 10:1-18 (th lèson 11)
4. Lè ou ka koumansé on ti kozé
(3 min) DÈ KAZ AN KAZ. Moun-la ka di-w kè i pa’a kwè an Bondyé (lmd lèson 5 pwen no 4).
5. Lè ou ka viré palé èvè on moun
(4 min) ADAN ALÉ É VINI A-W. Adan on ti kozé ou té fè èvè moun-la déotwa tan avan, i té di-w kè i pa’a kwè an Bondyé, men kè i dakò pou ègzaminé prèv ki ka montré kè ni on Kréyatè (th lèson 7).
6. Diskou
(5 min) w21.06 6-7 § 15-18. Tèm : Édé sé moun-la ki ka étidyé Labib èvè-w la ba Jéova louwanj (th lèson 10).
Kantik 10
7. Kijan ou pé bay on témwagnaj adan alé é vini a-w on mannyè ki natirèl
(10 min) Ti kozé.
Nou pé louwé Jéova plis ankò lèwvwè nou ka ba sé moun-la nou ka jwenn adan alé é vini an nou on témwagnaj (Sòm 35:28). Odépa, pétèt nou ké ontijan pè. Men si nou ka aprann koumansé é kontinyé on ti kozé on mannyè ki natirèl, nou ké vin pli filé é nou jous ké pran plézi adan sa !
Montré VIDÉO-la Fò ou paré pou préché « bon nouvèl a lapé » : Koumansé dé ti kozé. Aprésa pozé kèsyon-lasa :
Ka ou aprann adan vidéo-lasa ki pé édé-w vin pli filé lèwvwè ou ka bay on témwagnaj adan alé é vini a-w ?
Mi déotwa lidé ki ké ba-w anvi éséyé :
-
Chaklè ou ka sòti akaz a-w, gadé ki lokazyon ki té’é pé prézanté pou koumansé dé ti kozé. Priyé anrapò èvè sa é mandé Jéova gidé-w owa moun ki sensè.
-
Montré-w janti é entérésé-w vréman a moun-la. Éséyé aprann on biten asi moun-la ki ké édé-w sav ki vérité biblik ki té’é pé touché-y.
-
Éséyé vwè si ou pé ba-y niméwo téléfòn a-w é si ou pé pran ta-y.
-
Si ti kozé-la ka bout avan ou ni lokazyon bay on témwagnaj, sa pa grav.
-
Sonjé moun-la apré ti kozé-la. Kontinyé montré-y kè ou ka sousyé-w dè-y vréman. Pousa, voyé on lyen ba-y ki ka menné asi on vèwsé oben on awtik a jw.org.
Éséyé fè sa : Si on moun ka mandé-w : « Wikenn a-w byen pasé ? », palé-y dè on biten ou aprann adan réinyon-la oben dè sa ou ka fè pou aprann moun konnèt Labib.
8. Sa lasanblé-la bizwen
(5 min)
9. Étid biblik a lasanblé-la
(30 min) bt chap. 6 § 1-8 é sa nou kay vwè adan 2èm pati-la
