26 out – 1é sèptanm
SÒM 78
Kantik 97 é priyè | Pawòl pou koumansé (1 min)
1. Izrayèl ba Jéova do : ka sa ka aprann-nou
(10 min)
Izrayèl oubliyé sé bèl biten-la Jéova té fè la (Sòm 78:11, 42 ; w96-F 1/12 29-30).
Izrayèl pa té ni pon rèkonésans pou sé kado-la Jéova té fè-y la (Sòm 78:19 ; w06-F 15/7 17 § 16).
Olyé sé Izraélit-la aprann dè érè a yo, yo té ka kontinyé ba Jéova do (Sòm 78:40, 41, 56, 57 ; w11-F 1/7 10 § 3-4).
MÉDITÉ ASI SA : Ka ki ké anpéché-nou ba Jéova do ?
2. Trézò èspirityèl
(10 min)
-
Sòm 78:24, 25 : Poukwa yo té ka kriyé lamàn « blé-la ki té ka sòti an syèl-la » é « pen a sé moun puisan la » ? (w06-F 15/7 11 § 4).
-
Ki trézò èspirityèl ou jwenn adan lèkti biblik a simenn-lasa ?
3. Lèkti a Labib
(4 min) Sòm 78:1-22 (th lèson 5)
4. Lè ou ka koumansé on ti kozé
(3 min) DÈ KAZ AN KAZ. Pwopozé moun-la on étid biblik (lmd lèson 5 pwen no 5).
5. Lè ou ka koumansé on ti kozé
(3 min) DÈ KAZ AN KAZ. Sèvi èvè on trak pou koumansé on ti kozé. Pwopozé moun-la on étid biblik (lmd lèson 5 pwen no 4).
6. Lè ou ka koumansé on ti kozé
(1 min) DÈ KAZ AN KAZ. Moun-la ka di-w i pa ni onlo tan. Pwopozé-y on étid biblik (lmd lèson 2 pwen no 5).
7. Lè ou ka koumansé on ti kozé
(4 min) ADAN ALÉ É VINI A-W. San palé dè on vérité biblik an pawtikilyé, touvé on mannyè ki natirèl pou fè moun-la sav kè ou Témwen a Jéova, é pwopozé-y on étid biblik (lmd lèson 2 pwen no 4).
Kantik 96
8. Sa ègzanp a Filip, évanjélizatè-la, ka aprann-nou
(15 min) Ti kozé.
Adan Labib, nou ka touvé istwa a onlo moun, ki sé bon ègzanp, ki sé mové ègzanp. Pou sa itil ban nou, sa ka mandé tan é éfò. Non sèlman fò nou li sé istwa biblik la, men anplisdisa, fò nou médité asi sa yo ka aprann-nou, é aprésa fè sé chanjman-la ki fo la adan vi an nou.
Toutmoun té sav kè Filip, évanjélizatè-la, sé té on krétyen ki té « ranpli èvè lèspri sen é èvè sajès » (Akt 6:3, 5). Ka ègzanp a-y pé aprann-nou ?
Montré VIDÉO-la Sa ègzanp a yo ka aprann-nou : Filip, évanjélizatè-la. Aprésa mandé sé moun-la ka sé lidé-lasa aprann-yo :
-
Jan Filip réyaji lè sitiyasyon a-y enn chanjé fap-fap (Akt 8:1, 4, 5).
-
Bénédisyon Filip jwenn davwa i té paré pou ay sèvi la yo té bizwen ranfò (Akt 8:6-8, 26-31, 34-40).
-
Byenfé Filip é fanmi a-y rèsèvwa davwa yo akéyi lézòt byen (Akt 21:8-10).
-
Jwa-la fanmi-la ki adan vidéo-lasa té ni davwa i suiv ègzanp a Filip.
9. Étid biblik a lasanblé-la
(30 min) bt chap. 14 § 11-20
