29 juiyé – 4 out
SÒM 69
Kantik 13 é priyè | Pawòl pou koumansé (1 min)
1. Ka ki pasé adan vi a Jézi ki té ja anonsé adan Sòm 69 la
(10 min)
Yo té hay Jézi alòskè yo pa té ni pon rézon pou sa (Sòm 69:4 ; Jan 15:24, 25 ; w11-F 15/8 11 § 17).
Jézi pòté bon mannèv pou kaz a Jéova (Sòm 69:9 ; Jan 2:13-17 ; w10-F 15/12 8 § 7-8).
Jézi té angwasé bon angwasé la menm é yo bay diven mélanjé èvè fyèl (Sòm 69:20, 21 ; Mat 27:34 ; Lk 22:44 ; Jan 19:34 ; g95-F 22/10 31 § 4 ; it-2-F 600 § 1).
MÉDITÉ ASI SA : Pou kibiten Jéova fè maké pwofési anrapò èvè Mési-la adan Lézékriti ébrayik ?
2. Trézò èspirityèl
(10 min)
-
Sòm 69:30, 31 : Kijan sé vèwsé-lasa pé édé-nou priyé Jéova plibyen ? (w99-F 15/1 18 § 11).
-
Ki trézò èspirityèl ou jwenn adan lèkti biblik a simenn-lasa ?
3. Lèkti a Labib
(4 min) Sòm 69:1-25 (th lèson 2)
4. Montré-w pasyan : Ègzanp a Jézi
(7 min) Ti kozé. Montré VIDÉO-la, aprésa fè on ti kozé asi lmd lèson 8 pwen no 1-2.
5. Montré-w pasyan : Pou imité Jézi…
(8 min) Ti kozé bazé asi lmd lèson 8 pwen no 3-5 é « Vèwsé anplis ».
Kantik 134
6. Sa lasanblé-la bizwen
(5 min)
7. Déotwa prensip pou étid familyal la
(10 min) Ti kozé.
An janvyé 2009, sé twa réinyon-la yo té ka kriyé an fransé étude de livre de la congrégation, École du ministère théocratique é réunion de service fè yonn pou vin réinyon a simenn-la. Grasa sa, sé fanmi-la té ni on swaré chak simenn pou yo fè pwòp étid familyal a yo ki ka tchenn kont dè sa fanmi-la bizwen. Onlo fanmi di jan yo té kontan dispozisyon-lasa ki ka édé-yo rapwoché-yo dè Jéova é yonn dè lòt (Dét 6:6, 7).
Ki prensip pé édé on chèf a fanmi dirijé étid familyal la pou atenn òbjèktif-lasa ?
-
Fè-y chak simenn. Si sa posib, fiksé on moman byen prési an simenn-la pou fè étid familyal la. Prévwa fè-y ondòt jou sianka on biten zò pa té prévwa té ka rivé.
-
Préparé-w byen. Mandé madanm a-w avi a-y, é dè tanzantan palé èvè timoun a-w pou sav sa yo ka pwopozé. Ou pa bizwen pran onpakèt tan pou préparé-w, an pawtikilyé si i ni sèwten aktivité fanmi a-w byen enmé fè.
-
Tchenn kont dè sa fanmi-la bizwen. Toupannan timoun a-w ka grandi, sa yo bizwen é kapasité a yo ka chanjé. Fò sé aktivité-la ou ké chwazi la édé chakmoun an fanmi-la konsolidé fwa a-y.
-
Fè ansòt pou i ni on bon ti anbyans. Dè tanzantan, gadé pou vwè si zò pé fè étid familyal la andéwò a kaz-la si ni bèl botan. Pa ézité fè dé ti pòz lè sa nésésè. Sé vré kè pannan étid familyal la ou pé palé dè pwoblèm moun an fanmi a-w ka jwenn, men fò pa ou pwofité dè sa pou rèpran oben pou korijé ponyonn adan yo.
-
Pa fè toujou menm biten-la. Pa ègzanp adan menm étid-la, zò pé préparé on pati a réinyon-la ki ka vin la, gadé on vidéo a jw.org é fè on ti kozé asi-y, é fè dé ti ègzèwsis pou prédikasyon-la. Menmsi pli gran pawti a étid familyal la dwètèt fèt kon on ti kozé, sa pa ka anpéché chakmoun an fanmi-la pran on ti tan pou étidyé tousèl a-y.
Fè on ti kozé asi kèsyon-lasa :
-
Ka ou ka fè pou éséyé mèt an pratik sé prensip-lasa adan étid familyal a-w ?
8. Étid biblik a lasanblé-la
(30 min) bt chap. 13 § 8-16 é ti karé p. 105
