1é-7 avril
SÒM 23-25
Kantik 4 é priyè | Pawòl pou koumansé (1 min)
1. « Jéova sé Bèwjé an mwen »
(10 min)
Jéova ka gidé-nou (Sòm 23:1-3 ; w11-F 1/5 31 § 3).
Jéova ka pwotéjé-nou (Sòm 23:4 ; w11-F 1/5 31 § 4).
Jéova ka nouri-nou (Sòm 23:5 ; w11-F 1/5 31 § 5).
Jéova ka pran swen a sèwvitè a-y kon on bèwjé ki plen lanmou ka pran swen a mouton a-y.
MANDÉ-W : « Kijan Jéova ka pran swen an mwen pèwsonèlman ? »
2. Trézò èspirityèl
(10 min)
Sòm 23:3 : Ka ki « chimen-la ki dwèt la », é ka ki ké anpéché-nou sòti anlè-y ? (w11-F 15/2 24 § 1-3).
Ki trézò èspirityèl ou jwenn adan lèkti biblik a simenn-lasa ?
3. Lèkti a Labib
(4 min) Sòm 23:1 – 24:10 (th lèson 5)
4. Lè ou ka koumansé on ti kozé
(3 min) ADAN ALÉ É VINI A-W. Pawtajé on vèwsé biblik ankourajan èvè on moun ki ka di-w kè i enkyèt pou lanati (lmd lèson 2 pwen no 5).
5. Lè ou ka viré palé èvè on moun
(4 min) DÈ KAZ AN KAZ. Montré on moun ki aksèpté bwochi-la Ou pé ni tchè-kontan pou touttan ! kijan on étid biblik ka déwoulé (lmd lèson 9 pwen no 3).
6. Lè ou ka fè on disip
(5 min) lff lèson 14 pwen no 4 (lmd lèson 11 pwen no 3)
Kantik 54
7. Nou pa ka kouté vwa a sé étranjé-la
(15 min) Ti kozé.
Sé mouton-la konnèt vwa a bèwjé a yo é yo ka suiv-li. Anplisdisa, yo ka kouri douvan on étranjé pas yo pa konnèt vwa a-y (Jan 10:5). Menmjan-la, nou ka kouté vwa a Bèwjé èspirityèl an nou ki plen lanmou é ki fyab, Jéova é Jézi (Sòm 23:1 ; Jan 10:11). Men nou pa ka kouté vwa a sé étranjé-la ki ka éséyé fébli fwa an nou èvè « pawòl ki ka kouyonné moun » (2P 2:1, 3).
Jénèz chapit 3 ka èspliké kijan sa pasé prèmyé fwa yo tann vwa a on étranjé asi latè. Satan sèvi èvè on sèpan pou palé ba Èv, kifè Èv pa té sav kimoun ki té ka palé ba-y vréman. Satan fè konsi i té zanmi a Èv ; i tòd sa Jéova té di é i manti asi sa ki té ka pousé Jéova aji. Malérèzman, Èv kouté Satan é sa menné onlo soufrans ki pou li ki pou fanmi a-y.
Jòdijou, Satan ka simé pawòl ki négatif, enfòwmasyon ki pa konplé, é i ka manti oséryé menm pou fè-nou ni dout asi Jéova é asi òwganizasyon a-y. Lè nou ka tann vwa a on étranjé, fò nou chapé kò an nou ! Si nou ka kouté menm on titak pas nou anvi sav, sa danjéré. Èvè konmen mo Satan sèvi pou kouyonné Èv pannan ti kozé a yo ? (Jén 3:1, 4, 5). É vinvwè on moun nou konnèt, on moun ki enmé-nou é ki ni bon lentansyon, vlé pawtajé èvè nou enfòwmasyon ki négatif asi òwganizasyon a Jéova ?
Montré VIDÉO-la Pa kouté vwa a moun ou pa konnèt. Aprésa pozé kèsyon-lasa :
Lè ou ka vwè jan Jade réyaji lè manman-y ki pa Témwen té vlé montré-y dé biten ki négatif asi òwganizasyon a Jéova, ka sa ka aprann-vou ?
8. Étid biblik a lasanblé-la
(30 min) bt chap. 8 § 1-4 é ti karé p. 61-62
