6-12 mé
SÒM 36-37
Kantik 87 é priyè | Pawòl pou koumansé (1 min)
1. « Pa fè kòlè akòz dè moun ki mové »
(10 min)
Moun méchan ka fè-nou soufè onlo (Sòm 36:1-4 ; w17.04-F 10 § 4).
Lè nou ka rété kòlè kont « moun ki mové » sa ka fè-nou ditò osi (Sòm 37:1, 7, 8 ; w22.06 10 § 10).
Lè nou ni konfyans adan pwomès a Jéova, tchè an nou trankil (Sòm 37:10, 11 ; w03-F 1/12 13 § 20).
MANDÉ-W : « Lè yo ka montré mové biten ki fèt ozenfòwmasyon, ès an ka ba sa twòp enpòwtans ? »
2. Trézò èspirityèl
(10 min)
-
Sòm 36:6 : Ka moun-la ki maké sòm-lasa té vlé di, lè i di kè jistis a Jéova kon « montangn ki ho toubònman » [oben sèlon nòt-la an fwansé, kon « montangn a Bondyé »] ? (it-2-F 341 § 7).
-
Ki trézò èspirityèl ou jwenn adan lèkti biblik a simenn-lasa ?
3. Lèkti a Labib
(4 min) Sòm 37:1-26 (th lèson 10)
4. Lè ou ka koumansé on ti kozé
(3 min) DÈ KAZ AN KAZ. (lmd lèson 1 pwen no 5).
5. Lè ou ka viré palé èvè on moun
(4 min) ADAN ALÉ É VINI A-W. Pwopozé on moun ki rèfizé étidyé dan lèpasé on étid biblik (lmd lèson 9 pwen no 4).
6. Diskou
(5 min) ijwbv-F 45. Tèm : Ka Sòm 37:4 vlé di ? (th lèson 13)
Kantik 33
7. Ès ou paré sianka « malè ka rivé » ?
(15 min) Ti kozé.
Akòz dè katastwòf natirèl é dè katastwòf ki fèt akòz dè lòm, frè é sè toupatou asi latè ka pèd tousa yo ni é ka soufè pas yo pèd on moun yo enmé (Sòm 9:9, 10). Malérèzman, an réyalité, malè ka rivé nenpòt kilès adan nou a nenpòt ki moman. Alò fò noutout préparé-nou pou fasadé èvè dé éprèv konsa.
Anplis dè préparé dé biten pou pwotéjé vi an nou a, ka ki pé édé-nou tchenbé sianka ni on katastwòf ?
-
Préparé lèspri an nou : Rèkonnèt kè katastwòf ka rivé é réfléchi asi sa ou ké fè an ka-lasa. Fò pa byen matéryèl ni twòp enpòwtans ba-w. Sa ké édé-w aji èvè sajès é rété konsantré asi sa ou pé fè pou éséyé sové vi a-w é ta lézòt, olyé ou éséyé sové byen matéryèl a-w (Jén 19:16 ; Sòm 36:9). Anplisdisa, sa ké édé-w woupran doubout a-w pli fasilman siwvwè ou pèd onlo biten adan katastwòf-la (Sòm 37:19).
-
Préparé-w èspirityèlman : Fè ansòt pou ou toujou pli sèten kè Jéova pé é vlé pran swen dè-w (Sòm 37:18). Avan on katastwòf rivé, pran labitid sonjé kè Jéova ké édé é soutyenn sèwvitè a-y menm siwvwè sèl ‘rékonpans nou ni sé vi an nou’ (Jér 45:5 ; Sòm 37:23, 24).
Lè nou sèten Jéova ké réyalizé pwomès a-y, nou ka fè-y divini on koté nou « pé kouri-kaché lè malè ka rivé » (Sòm 37:39).
Montré VIDÉO-la Ès ou paré sianka ni on katastwòf ? Aprésa pozé sé kèsyon-lasa :
-
Kijan Jéova pé édé-nou lè malè ka rivé ?
-
Ka nou pé fè pou nou préparé-nou ?
-
Kijan nou pé édé séla ki sibi on katastwòf ?
8. Étid biblik a lasanblé-la
(30 min) bt chap. 9 § 8-16
