VI A ON KRÉTYEN

Édé moun ki pa adan pon rèlijyon konnèt Kréyatè a yo

KOUTÉ-Y AN

Ès sa ka rivé-w fè dèyè lè fò ou préché ba on moun ki pa adan pon rèlijyon, pas ou ka pansé kè pétèt i pé’é kouté ? Si sé ka a-w, sonjé kè onlo moun ki pa té adan pon rèlijyon vin Témwen a Jéova, é adan yo ni sa ki pa té ka kwè an Bondyé. Byensouvan, sèl biten yo té bizwen, sé té on ti pal pou ègzaminé sé prèv-la ki ka montré kè Bondyé ka ègzisté (Wom 1:20 ; 10:14).

GADÉ VIDÉO-LA MOUN KI PA NI FWA PÉ RIVÉ NI LAFWA ! MOUN KI PA ADAN PON RÈLIJYON, APRÉSA RÉPONN A KÈSYON-LASA :

Kijan témwagnaj a Tommaso ka édé-w vwè on mannyè ki pozitif lèfèt dè préché pou moun ki pa adan pon rèlijyon ?

Répons a-w

Kijan pou ou fè

Si on moun ka di-w kè i pa’a kwè an Bondyé, palé ba-y jantiman é èvè dousè, é entérésé-w vréman a sa i ka pansé é a sa i ka rèsanti (2Tm 2:24). Palé dè biten ki pé entérésé-y. Ès i dakò pou palé dè sé prèv-la ki menné onlo moun kwè adan on Kréyatè ? Yo ajouté sé bwochi-la La vie a-t-elle été créée ? é Cinq questions à se poser sur l’origine de la vie adan bwèt a zouti an nou pou anségné, kifè nou pé touvé-yo pi fasilman.

Pétèt kè odépa, ou ké pè palé dè lavérité èvè on moun ki pa’a kwè an Bondyé. É si ou té ka mandé on pwoklamatè ki ni èkspéryans édé-w ? É sonjé sa, Jéova pé touché tchè a moun ki ni mantalité-la ki fo la, menmsi odépa yo pa té ka kwè kè i té ka ègzisté (Akt 13:48).

KAYÉ VI É MINISTÈ