VI A ON KRÉTYEN
Sé bèwjé-la ka fè tousa yo pé pou fè pèp a Jéova dibyen
Onlo moun pa’a fè moun ki ni otorité konfyans. Men kimoun ki pé rèpwoché-yo sa ? Toutolon a Listwa, ni moun ki pwofité dè otorité-la yo té ni la pou pwòp entéré a yo (Mi 7:3). A pa ti rèkonésans nou ni pou ansyen a lasanblé-la ki ka aprann sèvi èvè otorité a yo pou fè pèp a Jéova dibyen ! (Èst 10:3 ; Mat 20:25, 26).
Sé ansyen-la pa ni ayen a vwè èvè sé moun-la ki ni otorité adan mond-lasa. Yo ka travay antankè rèsponsab pas yo enmé Jéova é pèp a-y (Jan 21:16 ; 1P 5:1-3). Anba dirèksyon a Jézi, sé ansyen-la ka édé chak pwoklamatè santi-yo byen adan fanmi a Jéova é rété toupré-y. Yo ka pòté mannèv pou ankourajé timouton a Jéova lèwvwè fò yo swangné-yo vitman oben lè ni on katastwòf. Alò, si ou bizwen yo édé-w, pran douvan pou ay vwè on ansyen a lasanblé a-w (Jk 5:14).
GADÉ VIDÉO-LA SÉ BÈWJÉ-LA KA PRAN SWEN A TWOUPO-LA, APRÉSA RÉPONN A SÉ KÈSYON-LASA :
-
Ki byenfé Mariana trapé davwa sé ansyen-la édé-y ?
-
Ki byenfé Elias trapé davwa sé ansyen-la édé-y ?
-
Kijan sé témwagnaj-lasa ka aji asi jan nou ka vwè travay a sé ansyen-la ?
