2-8 sèptanm
SÒM 79-81
Kantik 29 é priyè | Pawòl pou koumansé (1 min)
1. Montré kè ou enmé non a Jéova ki plen glwa
(10 min)
Lagé sa ou ka fè ki ka dérèspèkté Jéova (Sòm 79:9 ; w17.02-F 9 § 5).
Mèt konfyans a-w adan non a Jéova (Sòm 80:18 ; ijwbv-F 3 § 4-5).
Jéova ka vidé bénédisyon asi moun ki ka montré kè yo enmé non a-y davwa yo ka obéyi-y (Sòm 81:13, 16).
Pou konduit an nou ba non a Jéova glwa, fò-nou fè moun sav kè nou sé Témwen a-y.
2. Trézò èspirityèl
(10 min)
-
Sòm 80:1 : Poukwa dépawfwa yo ka sèvi èvè non a Jozèf pou palé dè tout tribi a Izrayèl ? (it-2-F 53 § 3-4).
-
Ki trézò èspirityèl ou jwenn adan lèkti biblik a simenn-lasa ?
3. Lèkti a Labib
(4 min) Sòm 79:1 – 80:7 (th lèson 10)
4. Lè ou ka koumansé on ti kozé
(1 min) DÈ KAZ AN KAZ. Pwopozé moun-la on étid a Labib (lmd lèson 4 pwen no 4).
5. Lè ou ka koumansé on ti kozé
(3 min) ADAN ALÉ É VINI A-W. Pwopozé moun-la on étid a Labib (lmd lèson 4 pwen no 3).
6. Lè ou ka koumansé on ti kozé
(2 min) TÉMWAGNAJ PIBLIK. Pwopozé moun-la on étid a Labib (lmd lèson 3 pwen no 3).
7. Lè ou ka viré palé èvè on moun
(5 min) DÈ KAZ AN KAZ. Pwopozé on moun entérésé on étid a Labib, menmsi i té ja rèfizé yonn dan lèpasé (lmd lèson 8 pwen no 3).
Kantik 10
8. « Yo ké fè non an mwen vin sen »
(15 min) Ti kozé.
Satan koumansé sali non a Jéova dépi an Jadendédèn-la. Dépi moman-lasa, désizyon-la ki pli enpòwtan la kè toulézimen é tout sé zanj-la dwèt pran, sé chwazi si yo ké défann non a Jéova.
Sonjé déotwa vyé kalté mansonj Satan simé asi Jéova. I ka di kè Jéova sé on dirijan ki rèd é ki pa ni lanmou (Jén 3:1-6 ; Jb 4:18, 19). Dapré-y, sèwvitè a Jéova pa enmé-y vréman (Jb 2:4, 5). I jous rivé fè plizyè milyon moun kwè kè a pa Jéova ki kréyé bèl planèt-la nou ka viv asi-y la (Wom 1:20, 21).
Ka ou ka rèsanti lè ou ka tann sé mansonj-lasa ? Sa dwèt ka ba-w anvi défann Jéova ! I té sav kè sèwvitè a-y té’é anvi bay on pal pou fè non a-y vin sen (konparé èvè Izayi 29:23). Kijan ou pé pawtisipé ?
-
Édé lézòt aprann konnèt é enmé Jéova (Jan 17:25, 26). Fò ou paré pou montré-yo ki prèv nou ni kè Jéova ka ègzisté é pou fè-yo konnèt bèl kalité a-y (Iz 63:7).
-
Enmé Jéova èvè tout tchè a-w (Mat 22:37, 38). Obéyi komandman a Jéova. Pa fè sa enki pas sa pé pòté bon biten pou-w, men pas ou vlé fè Jéova plézi (Pw 27:11).
Montré VIDÉO-la Lanmou pa ka jen disparèt menmsi... Ou ka sibi mové enfliyans an lékòl a-w. Aprésa pozé sé kèsyon-lasa :
-
Kijan Ariel é Diego défann non a Jéova ?
-
Ka ki pousé-yo défann Jéova ?
-
Kijan ou pé imité-yo ?
9. Étid biblik a lasanblé-la
(30 min) bt chap. 15 § 1-7 é sa nou kay vwè adan 6èm pati-la
